لحظه وداع وكنها سكرة الموت

[غروب الخجل]

[frame="7 80"]

رفعت كفي .. ماقدرت ارفع الصوت
لو كان فالخاطر .. كلام كتمته



لحظه وداع / وكنها سكرة الموت
ضاع الطريق .. اللي من اول رسمته



ضاع الطريق وصرت في الدرب مبهوت
مدري وش اللي فاتني ما اغتنمته !



العمر مرّ .. وراح مع فايت الفوت
صحيح ضعت .. وضاع حلم حلمته



الا انت ياللي قربك لروحي القوت
لو غبت / يبقى وسمك اللي وسمته



يبقى كما نقش على الصخر منحوت
حفظته .. بشكله ولونه وسمتّه



مهما الفراق اوجاع والبعد ممقوت
اصبح مصير من غلاك / احترمته



دمع النصر لو طاح من ( عين جالوت )
( عين العقل ) دمع تكنّه / حشمته



ذخرت لك يافرحة العمر .. تابوت
فيه الغرام اللي بديته / ختمته



يبقى الغصن لو مابقى فالغصن توت
تحرك انسام الذعاذيع .. صمته



سكّت .. وانا من موادعك مكبوت
شي تجاهلته .. وشي فهمته !



حبل الرجاء من جور الايام مفلوت
ياليت قلبي عن غرامك عصمته



ياما .. بنيت بيوت وبيوت وبيوت
اليوم .. كم بيت بنيته .. هدمته [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[/frame]

 

 

 

 

 

 

 

 

توقيع : غروب الخجل

أمشِيّ " غَريبْ " ودآخلِيّ ألفْ دُولَه .. وأطَآلِع الدُنيَآ بنظّرآتْ مذّهُــولّ ..! شِفتْ أبسَطّ أحلآمِيّ (تمُوتْ ) بسهُولَه .. و || الصَمتْ || عنّ خُوفْ الحَكِيّ كآن مسّؤؤلّ [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] حتى ملامح بسمتي ضيعوووهااا [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]