محمّد ابن فطيس كد قالها فــيــك

[unique brilliant]

السلام عليكم
يمسّيكم بالخير يا الربع
واحد من الربع ياب طاري قصيدة بن فطيس الأسطورية اللي يقول فيها : غرك جمالك يا خسارة حلاتك
هاي القصيدة المفروض تتدرس فالمدارس عشان الطلاب يعرفون الشعر و طريقته
المهم : لكل قصيدة بيت قصيد
وانا اعتبر البيت اللي يقول فيه :
غرّك جمالك يا خسارة حلاتك - ما تدري ان ما غير طبعك يحلّيك
أعتبره هو بيت القصيد بالرغم من ان البعض يعجبه أكثر : تدري وش ابيض من خفوقك - - - عبااااتك
عالعموم القصيدة بكبرها رووووعة و ما ينمل منها
أنا عاد سمعت الريّال يطري القصيدة و عدّيت له كمّن بيت ارتجالي بنشارككم فيها وأتمنى تعجبكم
يقووول :

ماكد شفت من الخلايق شراتك _ في زين وصفك والحلا اللي فعينيك

الجـاذبـية والـفخـر مـيّزاتـك _ فالحسن مالك صاحب ولا شريك

بس الحسن ماهو يغطي صفاتك _ لازم تداري فالمخاليق مغليك

سمعت وصف اللي يسوي سواتك _ ومحمد بن فطيس قد قالها فيك

غرك جمالك يا خسارة حلاتك _ ما تدري ان ما غير طبعك يحليك

وسواااااالم

by : Unique Brilliant

 

 

 

 

 

 

 

 

[غروب الخجل]

الله يعطيك العافيه وتسلم يمينك

صح لسان من قال ومن نقل

مشكور يَ ع ما تُقدم

[admin]

مرحبا ومسهلا اخوي ..


سبق وبينت لك شروط هالقسم خص ..

حيث لا بد من المشاركه بالاسم الحقيقي ..

واعتذر لك على نقل القصيده الى قسم شعراء المستقبل .. لوجود خلل في القصيده .

ومن أجل الاستفاده من اخوانك الشعراء والنقاد في قسم شعراء المستقبل ..

صح لسانك واعتذر منك لنقل القصيده

أبو مشاري

[البرنس السعودي]

بدايه موفقه نطمع في جديدك متلافيا الاخطاء في الطرح

يعطيك العافيه اخوي

تحيااااااااااتي

[رآعيَة آلشوُزنٌ]

,

بدآية موفقه

وصح لسسآنك

ولآهنت

[unique brilliant]

اقتباس المشاركة الأصلية كتبت بواسطة غروب الخجل الله يعطيك العافيه وتسلم يمينك صح لسان من قال ومن نقل مشكور يَ ع ما تُقدم

تسلمييين اختي
صح بدنج و مشكورة على المرور

[unique brilliant]

اقتباس المشاركة الأصلية كتبت بواسطة أبو مشاري مرحبا ومسهلا اخوي .. سبق وبينت لك شروط هالقسم خص .. حيث لا بد من المشاركه بالاسم الحقيقي .. واعتذر لك على نقل القصيده الى قسم شعراء المستقبل .. لوجود خلل في القصيده . ومن أجل الاستفاده من اخوانك الشعراء والنقاد في قسم شعراء المستقبل .. صح لسانك واعتذر منك لنقل القصيده أبو مشاري

شو الخلل اخوي بو مشاري ؟

[unique brilliant]

اقتباس المشاركة الأصلية كتبت بواسطة البرنس السعودي بدايه موفقه نطمع في جديدك متلافيا الاخطاء في الطرح يعطيك العافيه اخوي تحيااااااااااتي

الله يعافيك ويسلمك
شو هي الأخطاء فالطرح اللي تقصدها ؟

[unique brilliant]

اقتباس المشاركة الأصلية كتبت بواسطة رآعيَة آلشوُزنٌ , بدآية موفقه وصح لسسآنك ولآهنت

صح بدنج
وعساج ما تهونين

[الصقرالجارح]

صح الله السانك واسان ابو حمد قصيده رائعه كروعتك
ودي وتقديري