مقبلات الرهاوي ..؟؟!!

مقبلات الرهاوي ..؟؟!!

"]

اخووووان ي يسعدني ان أقدم لكم بعض الابيات

بعضها من قصائد لم تكتمل

واعتبرروووها مقبلات

وابشروا بعدها بالدسم

1

-طاق طاقيه ..؟؟؟!!=
.=
.=
ياللي تداوي جروحي ثم تجرحني = لاتحسب ان المحبه طاق طاقيه
توك صغيّر ولا ودك تريحني = القلب ... والعين .. والحاله شقاويه
تزعل عليه وفي لحظه تسامحني؟؟!! = تروح عني ولكن تسرع الجيه؟؟!!
وان جيت لي يابعد روحي تصارحني = ضاعت علومك !!وانا ضاعت هقاويه!
لكن تكفى اذا قررت تذبحني = تكتب على جثتي باسباب حوريه؟؟!
.=
.=
2-باخصه ...؟؟؟!!=
.=
.=
سولف... وكثّر من سواليف الغرام = وناظر حبيبك بالعيون الّلاخصه
من نظرت عيونك ...وغنجك بالكلام = أرخصت شيا كنت ماني راخصه
لين انبرى حالي.. وبانن العظام =وأطراف جسمي ياحبيبي شاخصه
ياكم وصلني من ورى حبك ملام؟؟!!!= واقول خلوني مع اللي باخصه
.=
.=
3-الغطرسه..؟؟!!=
.=
.=
أخذت صدري لك مقراً ومجلاس= القلب مركى... والمحاني مساند
لا مرضيا ناس... ولامكرمن ناس = ما أشوف فيك الا الحبيب ..المعاند!!!!
.=
.=
4-تي أن تي...؟؟!!=
.=
.=
ياللي على قلبي مظاريب قصفه = أقوى من ال(تـ Tntـــي أنّ تي) والرصاصي
ذبحت.. نصف القلب.. وأنشلّ نصفه = وخوفي عليه تقيم حدّ القصاصي
أرفق ترفّق والغلا فيك ..وصفه = وش عاد؟؟... غير العبد يازين.... عاصي؟؟؟!!
.=
.=
5-المحبه ...؟؟؟!!.=
.=
.=
المحبه حلوها يطغى على حامضها = لويضيق البال ساعه بعدها يستانس
لا تغـرك دمعة سالت وانا لاحضها = دام انا قلبي وقلبك حبها متجانس
سم ...وامر .. بالشروط الي تبي تفرضها = الشروط المستحيله فــدوتك يا آنس
لين تضحك لي ...وغيري يالغضي ترفضها = وبعدها ماني بعانس ولا انته عانس
.=
.=
6-البطاقه الماسيه ..؟؟!!=
.=
.=
ياشبيه الطاقه الشمسيه = الاوادم ما تعيش الاّ.. بك
قدّم الحسنه وكبّ السيه = دام ربي ياحبيبي جابك
انتذكر سنةً منسيه = يوم قلبي تسحبه باهدابك
من بطاقة حبك الماسيه = من حسابي تنقله لحسابك
.=
.=
7-الكاكاوو ...؟؟!!=
.=
.=
ياحلا القلب والكاكاو والسكر = اسقني سلسبيل اشفاك وارويني
لين عقل الررهاووي بالغلا يسكر = وانت في سكرتي ما انته مخليني!!
اعشق الورد والاطياب والمسكر = والبس آخر موديلات الفساتيني
وابغض الناس واترك بابها مسكّر = وان تباطيتني لازم تناديني
والاّ والله لعلّم ضابط العسكر = واسجنك بين رمش العين والعيني
.=
.=
8-انت السبب...؟؟!!=
.=
.=
ياسبب علة فؤادي وش نسوي ؟؟!!= وش نسوي دام منك انت السبب؟؟!!
الهموم كثار والحال متطوي ؟؟!! = وانت ماترضى التساءل والعتب ؟؟
كل ما قلنا علامك ؟؟ قلت توي = وش بقاء.. واطلب وانا البي الطلب؟؟
اتحرى يامتى تشتّب ضوي ؟؟= وانت ترمي فوق شبتها الحطب
صافيا جوك وانا ما غام جوي = السوالف.. والتعلل ..والشبب
جلسةً ويّاك والقلب متروي = عندي اغلا من صناديق الذهب
.=
.=
9-القوام الرشيق ...؟؟!!=
.=
.=
الله يسامحـك يـاراع القـوام الرشيـق=ياللي خفوقي سبيته من ظلوعـي سبـي
تمشي على الهون ..وتجرّ الخطا فالطريق=ولابس من آخر موديل مخصّرات العبـي
وانا تحمّلت مـن شوفتـك مـا لاأطيـق=وقمت أتلفت من الرهبه وامـسّ شنبـي
.=
.=
10-ياللي ملكت القلب..؟؟!!=
.=
. =
ياللي ملكت القلب خلك على جنب = لاتختلط بالناس وتروح معها !!!
انا اعتبر ضحكك مع غيرنا ذنب ؟؟!!= وتبي تكفّر ذنبك الناس ...دعها
.=
.=
11-الرافدين ...؟؟!!=
.=
.=
يازين حبي لكم ماهوب حب حرام = وانته حرام عليك تصدّق الحاقدين
عشر ليالي ولا منك اتصال وسلام = وانا اتوجّد توجّد ساكن الرافدين
اصغر عياله تحروّل قبل وقت الفطام = واكبر عياله توفى عن ...مره ..وولدين
واللي بقى ...ما..لقى شرابهم والطعام = ما وجده الا يصفّق خدّته باليدين
.=
.=
12-من الساحل الغربي الي الساحل الشرقي ..؟؟!!=
.=
.=
الا يالحبيب اللي تركني وروّح شرق = من الساحل الغربي الى الساحل الشرقي
ولو طالت الخطوه وبيني وبينك فرق = ترى مسكنك فالقلب... واغذاك من عرقي
تولّم ووصله الخبر ياحمام الورق = وقلّه تراني منتظر رجعت الطرقي
عسى ما يطوّل في غيابه ويزرق زرق = وعسى ما يجيني من غيابه تعب وأرقي
والا يا بحر جده تحدّاك بحر الشرق = كسب شوفة الغالي... وروّح على الشرقي
.=
.=
13-سواد حبشي...؟؟!!=
.=
.=
يافريد الوصايف يالطيف الحشا =والله اني بعد شوفك تقول مغشي
احتفل واتسلا من صلاة العشا = وأنت تملا فؤادي بالغلا وتحشي
سوّ بي ماتريده وافعل اللي تشا = لا يردك حيا نفسك ولا تختشي
آآآه من رمشك اللى لا غفا وارمشا = كل همٍ بقلبي يالغضي يلتشي
وآآآه من وجهك اللي مثل برقٍ نشا = بس في خدك الايمن سواد حبشي
انت زينك طواني مثل طي الرشا = زين في وقفتك...وادراجتك... والمشي
.=
.=
14- شاعر المليون
.=
.=
ألا ياوجودي وجد من خانه التصويت = وخسر شاعر المليون في شاطئ الراحه
على اللي بنا فالقلب بيت ..وهدم له بيت = وروّح وبيته ...ضاع قفله ومفتاحه



.=
.=

كلمات اخوكم الرهـــاوي

المصدر: الملتقى الجماهيري للشاعر محمد بن فطيس المري