من عزبة تميم .. بن فطيس

[ضيدان المري]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
سرحت فالقلص من عزبة تميم
تبغي الدوره قبل شيخ النهار
سرحت فالقلص ينسلها النسيم
قلص من طوله يسكر له مسار
ايتيامن ويتياسر كنه ييم
وان قطع توك قطع كنه قطار
قلص هجن ٍ جنسها قدهو عديم
الركاب النادره هي والبكار
وسمها المشغار والمربط مقيم
والشرايا اللي تغيض اهل العقار
كن شواذرها حرامات الحريم
واللثامه برقع ٍ خيطه اعذار
وفالختاميات هي عوق الخصيم
لا ارتفع من توها بيب الستار
والشعار ادعم ولا احدٍ به غشيم
عادته يضهر فالايام الكبار
روحت مثل القطا في يوم غيم
ناش تاليها الصتم واقفت طيار
او نعام ٍ صوبوا فيها الظليم
واقفت امن الخوف سايقها الذيار
عندها تختف لو انك حليم
لا تعزّل عجها عقب المغار
الوروك اخياش من سكر نعيم
والغوارب زادها قصر الفقار
النهايه عندها قومة فطيم
وخفها كن وطيته وطية حوار
وفالرصيد الحمد لله كسر تيم
والله ان يبطي وهو محور حوار
ما يحطم لو يحط سباق ريم
ولو يهجن بين الادمي والمهار