اومي بكفي كلما اقبلت واقفيت

[خيال الكحيله]

غيّبت عنكم ياهل الطيب وابطيّت
والوقت ذا حاله وهـذي ضــروفـه

العذرمنكم ياهل الطيب والصيّت
والاجـواد تعـذر والسلوم معروفـه

ألكم علـيّ أنـي لكم ما تنـاسيّت
اقــرأ غــلاكم وأتــأمـل حــروفـــه

واومي بكفي كلما أقبلت واقفيّت
على غلا (ن) اقلوبنا في كـفـوفــه

نحفظ وفااهل الطيب وصدورناهيّت
يارد بها الغـالي ويلـقى شـفـوفـه

اقـل مـا يلقى هــلا بــك وحـيـيّت
وحـقـوقـنا عنـده وصـوله وشـوفـه

ياشعر سللم لي عليهم ليا الفـيّت
وصــل تحـيـه بالـورود مـحـفـوفـه

وليا وصلت فناد ياهل الوفاجيّـت
وتلـقى حـــرار نــادرات وصــوفـه

والـيا قـلطـت وطـيـبوك وتـقهـويّـت
فـكثر بخـير والضـيـوف مخـلـوفـه

ثم هل علماً بين ما ابديت واخفيّت
عن شـيخ قـوماً شـيخته في كتوفه

كـتـف بنا بـيـتاً وكـتـفاً هـدم بـيـت
ايــداً مـقــدمهـا ويـــد مـعـطــوفــه

في كـفـه الـيمنى نجـوم وعـفـاريت
وفي كـفـه الـيسرى مسلله وصـوفـه

ولـه عـيـن مايـبـصر بها لـو تحـلـيّت
فـيهـا بـعـيـنـك كل شـيـاً تـشــوفــه

في جئـيـتـه حـياً وفي روحـته مـيت
وان غـاب تـنـتـابك عـلـيـه الحسوفـه

اليا هـرج تـنصـت كبـار الطـواغـيّت
واليا سكـت غـنّـت بـصـوته صفـوفـه

وان غاب علمه لـشقر الصفـن عـنيّت
وان جئـتني بالـعـلم جـتـك مـعـسوفه

شـقـرا شـمـقـرا شـاقـراً كـنهـا لـيّت
تـؤخــذ عـلى شـقـر الـشـمقرا بروفـه

بـرقــا بـوارقـهـا بــروق ودنــامــيــت
لـمـعىً لــمـع بـراقــهـا فـي قــنــوفـه

نـصـبـا نـواصـيـهـا نصوب ميـاقـيت
شــقـلا شـمـقـلا للـمخاطف خـطـوفـه

شهـباً ملامحها تـشـيـب الـنـواحيت
فـجـا رونـجـا يـانـعـاً فـي قــطـــوفـه

مـيـلاء بـلا مــيلاً تـمـيـل الـثـوابـيـت
تــرقــا بــلا مــرقــا مــراقــاً كـلـــوفــه

سبـقـا ســوابـق للـسـوابـيق تـوقــيـت
يـرجـح بـهـا الـمـيـزان لي مـال طوفـه

هـيـلا مهـيلها على الطيب و اوصيّـت
في وصف نصف الوصف وإلا نصوفه

راحـت بـعـلـم ولي لــفـتـنـي تـمـلــيّـت
حـرف الـجـواب اللي حـفـضـت معروفه

،،،، خيـ الكحيله ـال ،،،،