رديه

[يحيى الأسيود]

بسم الله الرحمن الرحيم
السلام عليكم ورحمة الله وبركاته



رديه

الليل يايحيى يجمع شتاتي
يجمع علي الهم والضيق والويل

لامن طرت في هاجسي ذكرياتي
قمت اذرف العبرات سيلن باثر سيل

على زمانن راح لي في حياتي
وقتن مضى ياصاح كله تساهيل

ذكرى حبيبن زارني في مباتي
يومه طرالي قمت اجر المواويل

اللي وصوفه مثل وصف المهاتي
عنق وحلا واهداب عينه مكاحيل

راحت وراح الوقت معها فواتي
واللي رحل مايرجع اليوم ويميل

واليوم يايحيى ياويش السواتي
ضاق الفضابي والليالي مقابيل

تغيروا كل العرب بالحياتي
حتى الصحيب اليوم مابه محاصيل

واللحين يايحيى ياكيف النجاتي
عطني مردك ياحفيد المشاكيل

صالح المداوي .

يا مرحبا بك مرحبا يا غناتي
ياللي سندت القاف حزن وبهاذيل

تشكي علي سنينك الماضياتي
وتقول شفت بذا الزمان الغرابيل

اول مصابك بعد من لا تحاتي
ماتدري انك دونها مابك الحيل

ان كنت تبغى اعلاجها للمماتي
طعني عليك بغيرها دون تقليل

اكثر من هموم القلوب البناتي
وانصحك بالزينه علاج المعاليل

وثاني مصابك درس للمقبلاتي
من شان تعرف صحبتك والمغاليل

وختامها وان كنت تبغى النجاتي
كلمه وحيده مابها ايات تبديل

اسمع لها وعمل بها ذي وصاتي
لاضاق صدرك دون فكرن وتحليل

اوصيك تتوضى بوقت الصلاتي
ثم تطلب الله وانصحك قومة الليل

يحيى البناقي .

 

 

 

 

 

 

 

 

توقيع : يحيى الأسيود

سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ