اخر ابياتي ومجاراتها من الشاعر سلمان الغامدي

[عبدالله حمد الغامدي]

السلام عليكم ورحمة الله وبركاته وكل عام وانتم بخير وصحه وسلامه اخر ابياتي والرد من الشاعر : سلمان سعد الغامدي (ابوسلطان)


ابياتي


انــا مــعــاد ابــغـى قصيـد وكتابات ** دام الـلـيـالــي كـلّـهـا ســرمـديه


تـعـبـت الـدّ الـعـيـن وآجاهـد الذات ** خــوفــاً لـكـون المتّهم والضحيّه


والـسـالفه مـاهـي غـرام وعـلاقات ** لـيـت الـهـمـوم الـكـايده عاطفيه


بـــالله يــاحـكـام ولا حــكـــومـــات ** فــي كــل دولــه مـسـلمـه يعربيّه


وش تملكون من الخطط والقرارات ** غـيـر امـتـثـال السطوه العالميّه


حـكّـامـنـا وشيوخ واسياد سادات ** فـقـط فـقـط فـالـعـمـلـه المصـرفيّه


وحنا تحت رحمة نزول العقارات ** وحتا الدجاج اصبح حديث وقضيّه


وان ثارت العالم وصار اشتباكات ** قــررتــوا ان الـمـشـكـلـه طـائفيّه



رد ابو سلطان


لـيـتـكـ تـنـام وتـكـثـر من المخدات ** وتـحلم بـمحبوبكـ فــنومه هنيّه


لـكـنّـكـ الـحـالـم في امحق بطولات ** واتــدوّر امـحق مـاعليك وعليّه


بـعـلّـمـكـ قـبـل الـقـفـل والكـلبشات ** وقـبـل تـهـب ابـذكـريـاتــكـ عليّه


تمشي على اللغم وتثور الشضيّات ** ان كان جيتك جاني امية شضيّه


اجـيـوشـنـا لو تحتشد في جماعات ** اغـبـارهـا سـوّا عـلى الكون فيّه


وتـدري لا قــورنّا بـسـبع الامارات ** إن تـعـتـبـر مــاهــي بدوله غنيّه


عـنـدكـ تـرلـيـونـات وآلاف الافــات ** والـنـفـط سايل مع بطون الوديّه


يـكـفـي حـوايـجـنا ويـكفي الولايات ** كــسيّدة عــالــم صـديـقـه و خيّه


كــســيّـده تـسـعــى لفض النزاعات ** وتـخـلّـي اصـوات الــدوي بلبليّه


صديقي اليا طـق اخي جيت بسكات ** وعـاتـبـتـه اعـتاب الخوي لخويّه


لـنـّي رصـاصـي ذاخـره لـلـحـفالات ** وسـيـفـي لـدبـكـ الـلـيـله السامريّه

 

 

 

 

 

 

 

 

توقيع : عبدالله حمد الغامدي

ما غابت الشمس لاكن غابت البسمه --- واستسلم القلب لجروحه وطعناته هذا هو الحظ ولا هذي القسمه --- ولا زماني تغير عن بداياته عبدالله حمد

[تذكار الغلا]

صح لسانك ..
ماشاء الله عليكم
ابيات رائعه وجزله ...
تسلم الايادي ..
بانتظار المزيد من ابداعتك
ربي يعطيك العافية

[كان]

ياصديقي عبدالله ياصديقي.
كلهم كانوا يبحثون عني إعلم ذالك.

[خالد العبيريد]

وعليكم السلام ورحمة الله وبركاته ,,

ياهلا ويامرحبا حياك الله يابو حمد وحي الشاعر سلمان معك ,,

وكل عام وانت طيب إن شاء الله ,,

صح الله لساانك وصح قلبك ولاهنت واكتفي برد الشاعر سلمان كفى وفى ياوافي ,,

تحياتي وكل تقديري لك واتمنى اتابع لك المزيد .