شبّة النار

[تذكار الغلا]

يامن يعيّرني على شبّة النار
ياحلوها من سمعتن تعتليني
اجبلةٍ تخلق مع الناس بعيار
ياليت حضي مدهل الطيّبيني
يوم الرّدي غيّر من الباب لجدار
حنا على الشبّة ترى محتزيني
لا جاء المسيّر شاهد النار بوجار
وإِدلالنا رسلان ماهيب صيني
الغاليات إِطقوم وأَصناف واخيار
راع النّظر لاشافهن به يبيني.
ينظر لهن بإعجاب وينشد ويحتار
كلّه عمل رسلان صفرٍ تبيني
وملاقمن للكيف والبن وابهار
ومباهرٍ تركا على كل زيني
عاداتنا للطيب والبن يندار
جتنا على شيباننا الاوليني
خلك تعير وانت في بابك اوسار
وحنا بها ماشين طول السنييني

خالد سليمان الجريش

 

 

 

 

 

 

 

 

توقيع : تذكار الغلا

واقول يابرقٍ عيوني تخيله .............لاتمطر إلا يم دارالمحبين..!