على امرك يابعد نبض الخفوق وهاجسي ومناي !!

[العيون السود]

[align=center][tabletext="width:80%;background-image:url('http://www.m-f6es.com/vb/backgrounds/19.gif');border:3px double sienna;"][cell="filter:;"][align=center]

على امرك يابعد نبض الخفوق وهاجسي ومناي
مدامك ماتبي وصلي أنا وش عاد يبقيني

أبحفظ مابقى لي من كرامه وأستحث خطاي
على درب الغياب ووين ماودى يوديني

واذا هفهف على صدري هواك وحدني لاقصاي
دعيت الله يطمن في بعادك قلبي وعيني

وطلبته مثل مامكن غلاك وركزه بحشاي
يشيله من معاليقي قبل لا الوجد ينهيني

لو انك قلتها تبغى تشوف معزتك جواي
أو انك قلتها ساعه غضب والذنب كاسيني

لاجيك بكل حيلاتي من ايام الصبا لتلاي
واشري رضاك لو كان المقابل باقي سنيني

ولكن مالمسته بك قتل حتى العتب بشفاي
غرام ٍ مات في عينك على فرقاك يغريني

حسافة كنت احسب انك تقدر طيبتي ووفاي
وعلى اقل احتمال تراعي اللي بينك وبيني

توقعت إنك أخلص من عرفت وشفت في دنياي
أشك بكل من حولي ووحدك ماتخليني

طلبت البعد في وقتٍ أبيك تكون به يمناي
بعد ماجارت ايامي علي وحارت يديني

ولايخفاك صكات الزمان وماحصل وياي
ولو مافي يدك حاجة وجودك كان يكفيني

توفي لو بعض دينك إلين آقف على ماطاي
لعل يكون لي صبر ٍ على الفرقا يقديني

على كل حال ماينفع ملامي لك وكثر حكاي
عن اذنك برحل لدرب الغياب اللي يناديني

" مما لامس الاحساس اتمنى تنال الاعجاب "

[/align][/cell][/tabletext][/align]

 

 

 

 

 

 

 

 

توقيع : العيون السود

[نايف الشمري]

... العيون السود ...


الله الله اشكرك ع هذه الذائقه المميزه

سلمتي وسلم نقلك

تحيه لك تقبلي مروري

[العيون السود]

نايف الشمري
اسعدني تواجدك الرائع لاعدمناها .
كل الاحترام والتقدير لشخصك

[البرنس السعودي]

العيون السود

لاهنتي على الاقتناء المميز

مبدعه كعادتك وكما عودتينا

لك كل التحيه والتقدير

[العيون السود]

البرنس السعودي
الأبداع يكمن بتواصلكم لاعدمناها .
احترامي