مجاراه بين صاحب السمو الامير بند بن سلطان وشيخ قبيلة عتيبه

[فزاع المرشدي]

مجاراه بين كل من :

صاحب السمو الملكي الامير بندر بن سلطان بن عبدالعزيز ال سعود

الأمين العام لمجلس الأمن الوطني السعودي ورئيس الاستخبارات العامة.

وشيخ قبيلة عتيبه الامير الشاعر: عبدالرحمن بن ماجد بن ربيعان العتيبي


قصيدة صاحب السمو الملكي الأمير بند بن سلطان


[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""] ياالله ياللي كل مخلوق يرجيك= ياعالم ٍ حالي عزيز الجلالي
يا مستجيب لدعوة اللي يناجيك= تفرج لمن كنه على حر صالي
قد قيل قبلي من هرجلك هرج فيك= وخلاك تكره واحد ٍ كان غالي
خلاك تكره واحد ٍ كان يغليك =لوكان من ربعك قريب ٍموالي
والجد مايرفع مقامك ويحييك= ليا صرت في كل المواجيب خالي
والخال لاضاعت سموتك يخليك =حتيش لوقلت ان ابوزيدخالي
واناولدمن هو يحل الشرابيك =يذكر ليا عدو فحول الرجال
ولاني عشيرٍ للرخوم الصعاليك =ارابع اللي يلحقون التوالي
[/poem]



رد الامير عبد الرحمن بن ماجد بن ربيعان


[poem=font="simplified arabic,6,darkblue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
والنعم يابندر ليا حل طاريك= مال الردى يامير يمك مجالي
انتم هل الطولات مافيه تشكيك= شوحاتكم توردقصار الحبالي
ماقلتها راج ٍ ندى فيض آياديك= حاشاك هذي ياكريم السبالي
لا والذي يقدر يميتك ويحييك =ماهوب انا اللي شوفتي قد حالي
انا اللي لطيبك محبك ومغليك= وفعلك ينومس يابوزيد الهلالي
ولعل من هيض قريحتك فاديك =لو هو قريبي ماحسبه راس مالي
وكبار الانفس نقص لوما تدانيك= كل ٍعلى جنسه من الناس مالي
وراع النميمه جنبه لايماشيك= ومال ٍ بلا معروف حدر النعالي
ويادارنا مالك حلي يحاليك= لا و الذي ينشي حقوق الخيالي
محمد الهادي نشاء في مرابيك= خيرالبشر يادار باول وتالي
وكريم يابرق ٍ سرى عز واليك= جعله على دار الكرام متوالي
دارالملوك اللي تحل الشرابيك =حكامنا مقدم زحول الرجالي
وياطيرياللي عاليات ٍمجانيك= ياطاهر الاردان يبس البلالي
ثقة فهد واخو فهد فيك تكفيك =مال الحمول الا صبور الجمالي
وكل الوطن لا جا مجالك يحييك= سمعتك عند الناس مثل الريالي
خذها مشاعر صادق ٍ معجب ٍ فيك= واسلم ودم نجم ٍ بالافلاك عالي
[/poem]



.

 

 

 

 

 

 

 

 

[فرح الشهري]

روعـــــــــــــــــــه فزاع والنعم في الاثنين وصحت السنتهم
تقيــــمي

[فزاع المرشدي]

اقتباس:
المشاركة الأصلية كتبت بواسطة فرح الشهري [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
روعـــــــــــــــــــه فزاع والنعم في الاثنين وصحت السنتهم
تقيــــمي




الرااااااائع مرورك يافرح الله يسلمك

حضورك بحد ذاته تقييم طال عمرك





0

[روابي]

ٍٍ صحت السنتهم ٍٍٍ

ٍٍ يعطييك العافييه على النقل الرائئع ٍٍٍ

[فزاع المرشدي]

اقتباس:
المشاركة الأصلية كتبت بواسطة روابي [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ٍٍ صحت السنتهم ٍٍٍ

ٍٍ يعطييك العافييه على النقل الرائئع ٍٍٍ




الله يعافيك ويسلمك يالاميره روابي

الراائع مرورك ياختي طال عمرك

[محمد بداي]

لاهنت ا فزاااااااااع

قصيد طيب من روس طيبه





وتسلم