عرش والا ضريح

[ناصر بن حسين]

عرش والا ضريح يضج داخل خيالي
المعاني قويه والنقايض شضايا
وان غزيت الديار افوز لوني لحالي
لن تاج الاماني يرتقي بالضحايا
من قرالي لزوم انه يحلل مقالي
لني اللي مسوي فالمشاعر سوايا
يا فرح لا يغيضش قول رجال خالي
خالي من الشهامه والمبادي رزايا
والمشاعر بها دم المعاليق سالي
كل نبضه تمر القلب قبل الخلايا
وين بوح المشاعر وين وقع الرجالي
كيف بوح الخسيس يعم كل الزوايا
كنت مثل العرب في حضرتي وارتحالي
لين صرت الشجاع اللي يرد الخزايا
يا هوات القصيد ويا هوات المعالي
ما بقى للقصايد غير شعري بقايا
ان كتبت القصيده بان فيها دلالي
كنها المجد للي يحتمون المطايا
غالي البوح خلا لفض الابيات حالي
كيف لا من بغيت ابث نور التحايا
ينبثق فالخفوق اللي له الشوق والي
ويتغنابه الشبان قبل الصبايا
دام ناصر على الناموس راسه يلالي
ردد الحرف صمتي في حلوق البرايا
انطح العز دام العز ثوبي وفالي
والبس الطيب واشيد عليه النوايا
الشرف تاج راسي والنقى لي ولآلي
من بني هاشم اللي يحتمون السرايا
اهل بيت الرسول وداحرين الضلالي
من بهم محكم التنزيل بث الوصايا
الاجور بمودتنا وماحن نغالي
والوصايا علينا كسرتها المرايا
عرش والا ضريح الملك لي والفنا لي
بس ويش السواه ان ضاع حق الرعايا

 

 

 

 

 

 

 

 

[ام راكان]

صـــــح ألسانك
وتسلم أناملك ع هالكلمات

[فرح الشهري]

يافرح لا يغيضش قول رجال خالـــــــــــــي

خالي من الشهامـــــــــــــه والمبادي رزايا


اهل بيت الرســـول وداحرين الضلالي

من بهم محكم التنزيـــــل بث الوصايا

صح لساااااااااااااااااااااااااااااااااااااااانكـ ابدااااااااااااع والله والنعم فيكـ مـــــــــــــــــــــــــــــــــــــــــــــــــ ن قلبي

[حسن آل خريم]

..


و نعم و نعم يَ أبو ح ـسين
صح اللهـ لسآنك حتى ترضآ يَ بعدي

تح ـيآتي و تقديري

؛

[أمير الشريف]

صح الله لسانك .. تكتب في اي موضوع ماشاء الله عليك .. لا هنت

[سعد بن شلحاط]

يعطيك العافيه اخوي ناصر عندي تحفظ على البيت الثاني الشطر الاول كلمة (لوني) انت كتبتها بدون شده حتى ماينكسر البيت وصحيح البيت موزون بس المتعارف عليه إن هذه إلكلمه ماتجي الا مشدده حتى يكون معناها واضح وانت شاعر كبير ماتقلل ملاحظتي من شعرك