سلامتك .. والله .. يحفظك .. ويبقيك ..!

[ضامي الشوق]

سلامتك والله يحفظك ويبقيك
ويقبل دعاتك في صلاتك وصومك

ياجعلني ماذوق حزنك ولا ابكيك
يافرحة سنيني عسى الله يدومك

ليت التعب فيني حبيبي ولا فيك
وياليت يومي ينتهي قبل يومك

ودي اضم ايديك واقبل ايديك
وفرش لك ذراعي مخده لنومك

وان قمت من نومك وعيني تراعيك
سولف عن احلامك وعطني علومك

استأذنك لحظه دقايق بخليك
بروح ابشر عالمي في قدومك

في غيبتك احلم اشوفك واحاكيك
سمتني الدنيا بعدك محرومك

ياما تخيلتك بدربي واناديك
واقول : وشفيها تردت عزومك

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك

ماهو على شانك على شان ماضيك
مهما تسوي اعذرك ما الومك

هذا خيالي كل ما مر طاريك
والا الحقيقه عايش ارجي غيومك

اضحك على نفسي اذا قلت مابيك
انت القمر والناس هذي نجومك

حببتني في كل حاجه حواليك
مانيب من قومك واحامي لقومك

ماقول غير الله يحفظك ويبقيك
وياجعل يومي ينتهي قبل يومك
.
.
[youtube]http://www.youtube.com/watch?v=6Xzkuxjh31Q&feature=related[/youtube]

 

 

 

 

 

 

 

 

توقيع : ضامي الشوق

[مجازفف]

الله الله ... ابداع
سلمت يمينك

[سحابة الطائف]

يسلم ذوقك رااااائعه شكرا لك

[سلطان البقمي]

صح لسانك قصيده رائعه جداً اتمنى لك التوفيق .



وفقك الله..

[عبدالله السفياني]

الله يوفقك

[جروح الصمت]

لك وقت متغير على قلب مغليك
ماكنه الي شال عنك همومك

ابيع من عمري على الناس واشريك
لو باعتك دنياك مارخصت سومك


مبدع كعادتك يعافيك ربي

[خالد العبيريد]

حياك الله ياضامي ,,

صح الله لساان الشاعر وصح كلك ولاهنت نقل رائع بارك الله فيك ,,

كل التقدير والشكر لسموك .

[بدر الشدادي]

ضامي الشوق تسلم اياديلك على النقل المميز كاتميز تواجدك بينا
تحيتي لك لاهنت ياذوق

[جـــود ,]

رآئعه ذآئقتك ,

[عزاام]

أبيات وشيله جميله
ضامي أرويت الذوق لاهنت