عندي خبر ما يرخص الرجل كود بكاه

[سعيد محمد القحطاني]

بسم الله الرحمن الرحيم

السلام عليكم سبق وان قلت في قسم المحاوره ان محاورتي

مع الاستاذ قاصد كريم اخر مشاركاتي حتى عيد الفطر ان كنت

من الحين وجاني رساله من احدى اعضاء منتدانا ويقول انت

تغلا علينا هههههههه ولا خبرته يتغلا الا اللي واثق من غلاه

لنهلا تغلا بيذكر غلاه ولكن انا لو تغليت اخاف تنسوني
هههههههههه امحق تغلي
فكيف اتغلا ووعدته ان اثبت اني ماعرف التغلي والآن اقدم لكم

بيات متواضعه والسموحه على القصور



حياتي جروح وكل جرحٍ لقيت دواه
......... يكون الجروح اللي علي يصعب دواها

انا لا بغيت اكذب على واقعي وانساه
...............جروح السنين الماضيه كيف بنساها

وانا يوم امر المفرق اللي يمر حماه
...... ................ الد النظر في لوحته واتعداها

اسلم على دارن لهل صاحبي مشهاه
....................تغربت منها واريش العين خلاها

وعندي خبر مايرخص الرجل كود بكاه
..................... على حاجة ولت ولاهوب وياها

الا ني ولد قومن لهم ذات وجه وجاه
........ ..........واداري على سمعة هلي وتداراها

وانا كل ماهب الهوى ومن جهة مرباه
.........................القي، بصدري يمها واتلقاها

ياليته رحل منها وانا شايفٍ جفواه
.................... ليا مرت الذكرى.تجاهلت ذكراها

لكن المصيبه يوم انا عارفن دعواه
...............وبقت سيرته بقصاء المعاليق ودناها

ياشين والله تالية هالزمن شيناه
................. تدور السنين وغير الوقت ممشاها

لكن اعتذاري منك ياناحل المثناه
............... ضروف القدر ماجت على ماتمناها

نسب الزمن واثر الزمن ماسكن مجراه
......................لكن الخلائق خُلفها من نواياها

 

 

 

 

 

 

 

 

توقيع : سعيد محمد القحطاني

  __༼࿄ཽ༽__ཬ་⌒་ར__༼࿄ཽ༽__ اللهم إن شوقنا لشهرك قد زاد فيارب لا تحرمنا وأحبتنا من صيامه وقيامه .. أجاب الله لكم الدعاء وأبعد عنكم البلاء ورفع شأنكم في الأرض والسماء .. مبارك عليكم الشهر كل عام وانتم بخير  اعضاء لهم وحشه (سلطان المري) (جابر اليامي) سعيد محمد القحطاني

[العـالمي]

الا ني ولد قومن لهم ذات وجه وجاه
........ ..........واداري على سمعة هلي وتداراها

ونعم فيك وفي ربعك أخوي سعيد

وانا كل ماهب الهوى ومن جهة مرباه
.........................القي، بصدري يمها واتلقاها

إبداع وأول بيت يمر على العالمي بهذه الصورة الإبداعية

صح لسانك وبيض الله وجهك أخوي سعيد أنت شاعر كبير

[بدر الشدادي]

ارحب مليون ياسعيد وصح السانك وقلبك ملايين لله درك شاعر جزل وغني عن التعريف
تحيتي لك

[فرح الشهري]

............... ضروف القدر ماجت على ماتمناها

(الى كل من يجهل الشعر هاهو معلمك يتغنى بأرواع الابيات) سعيد القحطاني انت المعلم تحياتي لك وصح لسانك شاعر مبدع وابيات في قمة الرقي

[عبدالله القحطاني]

صح لسانك يابو محمد
ابداع منقطع النظير
يجبرك على قراءه النص عدة مرات
وصح لسانك
,,,,,,,,,,,,

[الماسـه]

ماشاء الله صح لسانك سعيد
ونعم فيك والله . .
ابيآت تفوق الجمآل وهذا مانستغربه من شاعر مثلك
الله يحفظك يارب

ودي اقيمك بس ماعندي اليوم
بكره بإذن الله بدل واحد 2
وقليل والله ع ابيات مثل هذي من شاعرنآا سعيد
لكن هذا اقل شي نسويه

[فراشة]

صح لساانك يّ الشششيخ .. وسبعة أنعام فيك
شاعر غني عن التعريف .. من ركائز المنتدى
والله يكوون بعونك ويسعدك دوووم أخوي..
أحتراميّ وتقديريّ..

[رمق]

نسب الزمن واثر الزمن ماسكن مجراه
......................لكن الخلائق خُلفها من نواياها

أنشهد ..
صح لسانك يّ سعيد .,,

والله انك من الشعراء الي انطرب لقصايدهم ..
وهذا مش مجامله .. لآ والله

[سحابة الطائف]

سعيد كعااادتك تغيب وتطل كنور البدر في الظلام الحااالك
قصيده وأبداااع لا يأتي الا من شااااعر بحجمك
بصمتك واضحه ومتصفحك يشهد لك بذلك
يشااار لك بالبنااان عندمنا نذكر عمالقه الشعر بهذا المنتدى
تحياااااتي وإحترامي لقلمك وحضوووورك

[بنت برقا]

الله الله

اطربتنا بهالابيات العذبه ياسعيد

صح السانك واعتلى بالعز شانك

شاعر جزل وماتجيب الا الجزل

اسجل اعجابي بأبياتك العذبه

تقبل خالص تقديري وتقييمي لشخصك الكريم