الله من حزن(ن) كساني بدنياي..

[راجح دايل المشعلي]

[poem=font="simplified arabic,6,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الله من حزن(ن) كساني بدنياي = والله من صدر(ن) همومه مراديف
كثرت مشاريهي على خاطي خطاي = وضاقت مناحيها من السيف لسيف
اخلفت هقواتي وغيرت مبداي = وحرمت رجلي من طويل المشاريف
وتركت كل اللي تمنيت برضاي = لعل ياتيني من اهل الخبر طيف
طيف(ن) يواسيني ويسمع لشكواي = واسري معه صوب النجوم المكاهيف
اما عطاني رآي ولا خذا رآي = ولا درينا وش ورا كنة الصيف
ووجيه عدواني وخافي خفى عداي = خيطن رفيع(ن) يفصل الصدق والزيف
وظروفي الصعبه ومدات يمناي = وحق الضعيف وواجب الجار والضيف
اتجرني جر السواني من اقصاي = وتلوذبي بين العتب والمعاريف
ولو زانت حروفي ولو كثرت اسماي = احيان اظيف وبعض الاحيان ماظيف
في سجدتي يوم اتذكر سواياي = اتلج بي حدب الضلوع المهاديف
لاوالله الا راح عمري وانا اياي = اطرد ورا نون بروقه كواشيف
لا ارتب ايامي ولا اعرف مرساي = وانهارت احلامي مثل خط برليف
وماكنت اعده ميزة(ن) من مزاياي = عود علي هم وعذاب وتكاليف
واليا نشدت الطرقي الرايح الجاي = قال المطايا من سفرها مناكيف
الريف ريفي والرعايا رعاياي = والجرح جرحي والعطايا تناتيف
والبير بيري كيف والما بعد ماي = وحروف شعري كفنتها المضاريف
هاذي نتايج فزعتي من عطاياي = ياحيف ديباجة العرض ياحيف
مليت امد رشاي وقطع رشاي = مادام صادقت المشاعر سواليف
[/poem]