افرح للشاعر حمد بن فطيس

[عيوني حزينه]

افـرح الـى قدّمـت للنـاس معـروف ...... ولا نـي بمتلـي مـا فعلتـه حسـافـه
ادري به انه في هل العـرف مخلـوف ...... والاّ كثيـر النـاس مـا فيـه طـافـه
مانـي بتبـع امعاسـم الـراي مكلـوف ...... لاشـك تاخـذنـي علـيـه المـرافـه
عرفي مع اهل المعرفه صب مسقـوف ...... احـد ٍ سمـع واحـد ٍ بعينيـه شـافـه
ولاني على الشهره حريص ٍ وملهـوف ...... باب الغـرور اعـاف شكلـه واعافـه
ولا شوف لي فرق ٍ ولا اشوف لي نوف ...... الاّ علـى اهـل اللصمقـه والسخافـه
بالعـرف و اسلـوم المناعيـر مكتـوف ...... احـرص علـى الخـوّه بليـا كـلافـه
لاتبع رضا (مي ٍ)ولا اتبع هوى (نوف ) ...... قرب السرابـه بعـد.. نفـس المسافـه
وبعدي عن النمـام واطلاقـة الشـوف ...... اخيـر مـن هـرج الخبـل والتفـافـه
والى اعترض لي في المخاليق ملقـوف ...... اعلـمّـه وشـلـون تــرك اللقـافـه
واعلمّه فـرق البريسـم عـن الصـوف ...... وعـن شيـن زلات القـدم وانحرافـه
قلته وانا اعرف الشعر هرج مصفـوف ...... تغني سمانه ..ويش لـي فـي ضعافـه
ماهي بيوت مكسّره مـن غثـا جـوف ...... مـن قـل رس ٍ مـا نفـع بـه غرافـه
ماني بااتابع بالغنى (جـورج وسّـوف ) ...... نفس العفيـف اتكـز بـه مـن عفافـه
الشعر مايقبـل مـن الحـل منصـوف ...... من فاقد الشـي ..تاخـذ الشي..خرافـه
كان الشعـر عـوّد مقـالات وحـروف ...... كـل ٍ غـدا شاعـر ونجـم استضافـه
وكانه رجع رزّه مـع شمـاغ منسـوف ...... وش ينبغـى بالشعـر والقصـد تـافـه
احسن نخلـي منهـج الشعـر بالكـوف ...... ان كـان مـا نقـدر نعـدل انجـرافـه
دام الشعـر بالفديـو اكليـب مشغـوف ...... هـذا التصـور فـاق ظنـي وطـافـه
افه وجت تهريـب فـي بطـن ملفـوف ...... وكـل افـة ٍ تلـقـى مــن الله آفــه
يوم الظليم يخش راسـه مـن الخـوف ...... الكـل شافـه يــوم بــادل خفـافـه
والطير لو به بعض الامـواس منتـوف ...... لا بـد مـا تبـدي علـيـه النحـافـه
وتطابق الاشعار من شخـص معـروف ...... دليلـه انـه ماكـتـب لــه اضـافـه
احوف شعـري عـن مناقيدهـم حـوف .......يقـرى بنجـد وينـقـري بالرصـافـه
وان لافني هاجوس بعض العرب لـوف ...... يخافنـي ماهـو بانـا الـلـي اخـافـه
لنّي من اللي حـازت المجـد بسيـوف ...... لابـان باطـراف الضعيـف ارتجافـه
في ظل شيخ ٍ ملتجى ايتـام وضعـوف ...... شيخ ٍ يلين الـه الصعـب فـي وقافـه
المجد لـو لـه جسـم بيديـن وكتـوف ...... لقيـت ابـو مشعـل تـعـلا كتـافـه
بحماه تلقى الصعـب طايـع ومعسـوف ...... يطيـع لـو ماهـو يعـرف العسـافـه
لاوامـره نسمـع وبـارائـه نـشـوف ...... بـارض ٍ تمـيّـز شعبـهـا بإتـلافـه
ارضي قطر واسم قطـر وابـل قنـوف ...... اسم ٍ لهـا مـن قبـل عصـر الخلافـه
وبحر ٍ حضنهـا فـي محانيـه بكفـوف ...... سـلام.. يابحـر الخلـيـج وضفـافـه

 

 

 

 

 

 

 

 

[حمود المورجي]

بالعـرف و اسلـوم المناعيـر مكتـوف ...... احـرص علـى الخـوّه بليـا كـلافـه
لاتبع رضا (مي ٍ)ولا اتبع هوى (نوف ) ...... قرب السرابـه بعـد.. نفـس المسافـه



يا سلام يا بو حمد

صح لسانك
وتسلم يمينى عيوني حزينه
ودي,,

[عيوني حزينه]

مشكوور اخوي حمووود على مرورك


أتمنى لك دوام العافيه



تحياااااتي

[مميز خلقه]

قمة الرووعه والجزاله

الله الله عليك يامحمد ابن فطيس

صح الله السانك مدد بلاعدد

شكرا على النقل

[جـنـون الـحـب]

كفووو و الله يا بو حمد

صح لسانك يالشاعر و لا هنت

" عيوني حزينه "

سلمت يمناك

[,, عسـّـاف ,,]

.
.
الله الله .. صح الله ألسان أبو حمد
و أشهد بـ الله إنه عرررفنا من هو الشاعر و الكبير و الشاعر العادي
مجررد إنك تسمع لـ غير إبن فطيس .. تدري إن أكثر الشعار ( صفر ) .

صح ذوقك و إنتقائك و نقلك
ولاهنت يـ الأمييير ..

[هبايب نجد]

يعطيك الف عافيه ع النقل ,,, لا هنت