ياركني الهادي تراني نصيتك,,ودي اعبر عن خفايا شعوري..ركني الهادي

قصة مبكية

ياصباح الخير ياشمس الوصل
اشرقي لعل ف اشراقك دوى
تعرفين الي جرا والي حصل
في ظلام الصد ضيّعت الهوى
ليش قلبه فالجفا دارس فصل
وليش قلبي فالمواصل انكوى
ادري انه وافي ن زين وخصل
بس فيه الصد ملعون الثوى
ليتني القى لفايروسه مصل
واترك الي تل قلبي والتوى
والا ليته ليت قلبه يتصل
اهم حاجة اننا نحصل دوى


بقلمي

تخيل وانت قايم من النوم وتناظر هالبنت تسوي لك هالحركه الله يقلع العزوبيه

فمان الله ياحب ن صحيت ونمت عايش فيه
توقعته مع الايام يصبح بلسم اوجاعي
عطيته كل مااملك وانا احبه وانا اغليه
لكنه عاشق ن غيري وقلبه فيه ملتاعي
يحبه وانا احبه ينادي له وانا اناديه
يطيعه لاطلب واما انا فالرفض منصاعي
انا يوم اني اطلب منه حبه صاح كيف وليه
وقام يدور ادنى عذر ويقول التوداعي
لجل حاجه بسيطه باع قلب ن فالغلا شاريه
ياقوه كيف قال ارحل ياكيف القلب لي باعي
هذا حبه هذا وعده غدرني الله يجازية
مايدري قلب رايد فالمحبه صار طماعي
قولوله فاح صدري ليش ماينظر هنا بعينيه
ويقطع عرق حبه والقطيعه مالها داعي
عموما انا راحل وبمشي في فياض التيه
عليه الله لا قالوا مات رايد لايرتاعي
انا ميت بعد ماشفت قلبه باع من يشريه
بعد مازادني فالجرح واسمه بلسم لأوجاعي


بقلمي

حد ألشبآبْ ألمتخلفينْ أخذ بْ ألأستهزآء على عآملْ آلنظآفْه !
قآله :
يآمعلمْ .. بكم كيلوْ ( ألزبآله ) عندكْ ..؟!
رد عليه آلعآملْ :
أنت ذوقهآ .. ومآنختلفً ف آلسعرَ !

لاتسردين الي حصل طال سردة
يغنيك عن سرد الدمع نظرة العين
جيتك وانا جايب من الشوق ورده
وانتي لفيتي والجفا معك سكين



بقلمي

لا تحزن ابداً عن خسارة شي في حياتك ، لان الشجره اذا خسرة ورقه من اوراقها تنبت في مكانها ورقه جديده

اعاتبك من كثر مااغليك والله
والا لو انك شخص عادي بكيفك
اعاتبك لآن الغلا جاه زلة
وانت طعنت القلب والصد سيفك
جيت وسكنت القلب والجسم كله
وارسلتلك قلبي ولازال ضيفك
يكفيه شاهي شوق والود دله
وفي ذمتي من جلستك مايعيفك
واما فؤادك فالمعاليق خله
ساكن هنا مع ذكرياتك وطيفك
يكفيني ان الود ضامن محله
ويكفيك قلبي والتواصل حليفك


بقلمي

اتمنى نشر الرابط

ياكثر ماقالوا تراهم يدقون
والمشكلة طالت على ماانتظرنا
مرّت ثمان شهور والحال في دون
نسهر ولاشفنا فوائد سهرنا
قواتنا خلت على القلب غليون
يشب ناره مايحّسب ضررنا
ياكثر ماقلنا الامل يبري طعون
ونطير بالاحلام,.! لكن ماطرنا
حتى غدا الصاحي من الهم مجنون
والهم مثل السجن عنده اسرنا
يالله ياللي كلنا ناسك يلبون
انك تعوضنا على اللي خسرنا

بقلمي