في اســـتضااافة عــضو... في زاوية لمن يجــرؤ فقط

[فهد الهباش]

اقتباس المشاركة الأصلية كتبت بواسطة fahad حي الله السمي عاليه ما قصرت بالاسائله يعطيها العافيه سوالي : شي تمنيته في حياتك وما صار؟ / وشي ما تمنيته في حياتك وصار ؟ تحياتي

هلا والله بالغالي ، اللي معزته مالها وصف في قلب سميه،،

شي تمنيته في حياتك وما صار؟ / وشي ما تمنيته في حياتك وصار ؟

شي تمنيته في حياتك وما صار:
راحة البال والاستقرار
ولكن باذن الله يصير
وشي ما تمنيته في حياتك وصار :
تتابع الأمراض كقطع الليل وضيقة الصدر
ولكن هناك رب كريم وبقدرته كل هم يزول

 

 

 

 

 

 

 

 

توقيع : فهد الهباش

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""] الآدمي لو كل شيٍّ بشوره = ما ضاق من دنيا العنا والغرابيل لا شك من لا صار نفسه صبوره = حكوا به العالم قروم ومهابيل[/poem]

[فهد الهباش]

اقتباس المشاركة الأصلية كتبت بواسطة سعيد محمد القحطاني والله ماعندي اي سوال بس اقول موفق اخي فخد دائماً وابدا ويعطيك العافيه اخت عاليه عساك على الوقوه وبالتوفيق

ارحب عد السيل وريحة الهيل يا سعيد
يالله تحيية شرفني تواجد وشكري مع شكرك لصاحبة الفكر الراقي اختي عالية،

[فهد الهباش]

اقتباس المشاركة الأصلية كتبت بواسطة نديب هلآ بخوي فهد أتوقع أسئلة الأعضاء كفت ووفت بشطح شوي عنهم بسؤالي .. مانوع السيارة اللي تعجبك ؟ وماهي سيارتك.؟

اهلا اخوي الغالي نديب تشرفت بحضورك،،

مانوع السيارة اللي تعجبك ؟ وماهي سيارتك.؟
نوع السيارة اللي تعجبني:


وماهي سيارتك.؟


لآ تضحكوون ههههههه

[فهد الهباش]

اقتباس المشاركة الأصلية كتبت بواسطة مشاعر مجروحه اكتفي بالمتابعه لان الاخوان ماخلو شي الله يعافيهم جميع استلم فهد

متابعتك شرف اختي مشاعر
حياك ربي دوم وتسلمين انتي والله

[فهد الهباش]

اقتباس المشاركة الأصلية كتبت بواسطة رمق احسنتي الأختيآر .. الهبآش شخصيـه تستآهل الاستضآفه .. هل أنت سريع البكاء .. وآخر مره بكيـــت فيهآ ..

وانتي شخصية تستحق الاحترام
مرحبآ أختي رمق ،،

هل أنت سريع البكاء .. وآخر مره بكيـــت فيهآ ؟
لآ ، بالرغم ان البكآء يريح كثير ولكن للأسف ..
آخر مرة بكيت فيها قبل خمس سنوات في المرحلة الثانوية
كان سببها وفاة اعز اصدقائي في حادث سوية ، رحمه الله واسكنه فسيح الجنان كانت ذكرى حزينة تجاوزتها بصعوبة بالغة جدا ولكن املي بالله كبير ان يجمعني به وبكم في فسيح الجنان.

[فهد الهباش]

اقتباس المشاركة الأصلية كتبت بواسطة الماسـه فهد الله يعينك يآارب بإذن الله عندي كم سؤال راح اسألك إيآه بس حاول تجيب سعيد معآاك عشان يساعدك

مراحب والله يالماسة
لا لا قولي غيرهااا << امزح امزح
انتظر اسألتك ، وعن سعيد لا راح اخليه لين يتم استضافته
عشان عندي اسأله خاصة عنه ما يعرفها الا انا ،
بس الله يستر لا يدري بالموضوع وانا باقي ضيف ...

[فهد الهباش]

اقتباس المشاركة الأصلية كتبت بواسطة هايدي الحلوه ممكن سؤال هل سبق وجاك موقف تفشلت فيه بمجمع او حديقه او مكان عام اذكره لنا

ممكن وليش لآ،،

هل سبق وجاك موقف تفشلت فيه بمجمع او حديقه او مكان عام اذكره لنا؟

فيه مواقف محرجة بس مو لحد الفشيلة ، زي ما تقولين كذا مسكآآت،،

اذكر مرة وانا في خامس ابتدائي ،
قال لي الوالد رح اذن كان وقت صلاة ، المهم رجعت وحصلت ضيوف عنده في المجلس
كالعادة اذا دخلنا على الضيوف بصوت عالي نقول : ارحبوووووووووو
صاحبكم باقي ما سكة معه ع الاذان دخل عليهم بصوت عالي : الله أكبرررررررررررر
وهم يردون ( علينااااا وعلييييك بسم الله اش صآآآآآآآآآر) ههههههههههه

ومرة في الجامعة اول سنة
حضرت محاضرة وانا شبه نايم كان عندنا عشاء وكانت السهرة صباحية
المهم حضرت بدري اول واحد وتكيت ع الجدر شبه ناااايم
ويوم جاء وقت التحضير اخر المحاضرة صحاني اللي جبني وجلست اسمع الاسماء وانا مدنق براسي فيني نعاس وتفاجئت ان اسمي مو موجود
فزيت بقوة وناديته اسمي ويوم حطيت عيني بعينه الا وهو اول مرة اشوفه استغربت طالعت في الشباب والله ما اعرف منهم الا واحد ما يدرس معي ، عرفت اني ساري ليل واني حضرت في غير محاضرتي،
اللي يقهر ان ما عندي الا ذيك المحاضرة في الصباح والباقي عصرية
راح علي التحضير وسجلوني غايب وراحت علي النوووومة وياااليل ما اطولك


الموقف الثالث
كان شوي قوي
اعتقد اني نزلته في موضوع كان لاخوي عاشق المستحيل

لكن مضمونه اني ركبت في سيارة واحد راعي لموزين في المطار تشبه سيارة قريبي
اللي جاي يستقبلني وقريبتي معه المهم اني حصلت وحدة في السيارة وسلمت عليها
وبغيت ابوس راسها والله خارجني ونفذت بجلددي ،القصة كاملة في موضوع اعتقد
اسمه اضحك مع نفسك على ما اعتقد لعاشق المستحيل،،


هذي بعض المواقف والمواقف كثير والله لكني ناسي بعضها ،،

[الماسـه]

تم ارسال الرابط لسعيد

ماعندي اسئله والله يآفهد
كنت بسئلك ورحمتك من الظهر تكتب

يارب يوفقك ويسعدك ويحفظك

[عاليه]

اخ فهد من القلب اشكرك على هالاجابات
وعلى رحابة صدرك ,,
لكثرة الأسئله

واي ملاحظات تحب اضافتها لتطوير الموضوع ارحب فيها,,,

من جد الف الف شكر لروحك العذبه
واتمنى انك ماتدعي عليه والله من جد كاسر خاطري
من الظهر وانت تكتب
شكلي بقفل الموضوع,,,
من جدالف تحيه لهذي الشخصيه الراقيه واتمنى لك مزيدا من التقدم في حياتك
واتمنى تنال امنياتك
كانت اجبات جميله وكنت خفيف
ظل على قلوبنا جميعا
اشكر كل من حضر وشارك بسؤال او حتى سلم على ضيفنا
الف شكر لكم جميعا

[عاليه]

لروحك العذبه عصير ليمون يروقك بعد الجهد

واتذكر الاخ عاشق عند استضافته
حطني قرصون جيبي مويه جيبي عصير افتح التلفاز
الله يذكره بالخير

فرصه سعيده ضيفنا العزيز
لقاء مميز
تحيه للجميع