█◄ܓܨــ|[رآبـطـة جـمـ "العَـآلـمـيّ المـلَــكـيّ"ــهـورَ]|ــܓܨ►█

[نصرآويه عآلميه]

لو يلعبون الهلال بالصف الثالث فازو على النصر حتى لو يلعبون بالناشئين فازو
كنا نقول نقطة قوتهم الاشهب ويلي هامسون ورادوي والهلال بدونهم ولا شي راحو هالثنين ومازال الهلال يفوز علينا !!!
اجانب فاشلين لاعبين محليين متبلدين بلا احساس , قاطعو المدرجات طالبو في استقالة فيصل بن تركي بقووه
والله هالفريق مفشلنا ومسود وجيهنا والله اني اخجل من نصراويتي
كنت شبابيه وش اللي قردني وخلاني اغير على هالفريق ,
ليتني اقدر ارجع ااشجع الشباب ليتني ماغيرت وحولت على النصر
بس للاسف مااقدر لكن قررت اني ماتابع ولا مباراه لهم وبديت من مباراة اليوم ماشفت ولا هدف من الاهداف
شفت اول 5 دقايق من المباراه طفيت التلفزيون وصرت اتابع التغطيه في المنتديات

 

 

 

 

 

 

 

 

[نصرآويه عآلميه]

فيه انتقاد كبير لحراس النصر , وفيه بعض الجماهير النصراويه تطالب بفايز السبيعي
اخت الاعب فايز السبيعي حارس الاتفاق معي على المسن
وقبل ماينتقل فايز للاتفاق ماكان له فريق يلعب له بعد ماتركه الاتحاد قلت لها خليه يجي للنصرتكفين ,
قالت لا هو يبي فريق في الشرقيه لان ابوي يبيه قريب منه ويشتغل معه في الشركه
يعني مافيه امل ينتقل للنصر

[رمق]

وحسرتــي ضآع شبآبــي ع هالفريــق

بسبته أعآني من ...؟؟؟؟

الشكوى لله ....

والله اني كنت متأكده من الهزيمه من بعد اخر مبآرآه ..

بس توهقت وتفألــت ..

[نصرآويه عآلميه]

^
^
^

لا ونزعل من البلطان يوم يقول فريق يجب الضغط والسكر !!

[من عشاق ابن فطيس]

< جاي يتشمت

لا والله بالعكس كنت ابي النصر يفوز لانه من صالحنا

بس بمستوى النصر كذا مستحيل يفوزون

على العموم هاردلك

[waleed]

السلام عليكم
صباح الخير
الف مبروك للجار الفوز ، النصر خسر النتيجه ولم يخسر الاداء الى [ طرد ] بينو وانهار الفريق بأكمله ،، ؟

،*

هاردلكم الخسارهـ :-
هناك فرق بين رئيس يحضر في دكه الاحتياط لدعم اللاعبين ورئيس في المنصه يُـشعـِل السجائر !
هناك فرق بين من يستغل الكرات الثابته وفريق يتحصل على 13 ركنيه وخطأ قريب من منطقه الجزاء ولايستفيد منهآ !
هناك فرق بين حارس ناشئ مثل شراحيلي يقف بوجه نادي بأكمله ، وحارس مثل راضي لايتعلم من اخطائه !
هناك فرق بين من يلعب بثقه الفوز وثقه الاداء وفريق ينتظر معجزه او خطأ دفاعي هلالي ليسجل !
هناك فرق بين مهاجمين يحرثون الملعب ومهاجم مثل ريان يتفرج بالكرات ولم نشعر بتواجده نهائياً !
هناك فرق بين [ صآنع لعب ] يخلص المباراه من كوره ، ومن فريق وسطه عكّ كروي ورئيس يقول [ فريقنا كله صنـّآع لعب ] !
هناك فرق بين [ جمهور ] يُعاقب الاداره والفريق بعدم الحضور وبين جمهور [ مطبّل ] يحضر بكثافه تحت مصطلح [ الوفاء ] !
هناك فرق بين مدرب يلعب بمهاجمين صريحين ، ومدرب تصل الدقيقه الى 60 وفريقه متأخر بـ هدفين ولازال يلعب بـ [ 3 محاور ] !
عفواً هـِلال ، لسنآ منافسين لك وتستحق الفوز .. ،

[رائد العصيمي]

سلام عليكم

صبحكم الله بالخير

الحمدلله على كل حال وانا كنت قايل لكم الفريق سيئ ولاتفائلون وكنتم تقولون لا بيفوز

مع ان الفريق كان عنده هجمات من نجم المباراة بينو الي تصدى لها حارس الهلال صدقوني لو فيه مهاجم صاحي والله ان النصر فايز .. لايغركم فوز الهلال قسم بالله فريق ضعيف والدليل لاعب واحد ويلعب فيهم اللعب ذا كله
الهلال ماسنحت له فرص في الشوط الاول الا فرصة العربي والي صدها راضي على مرتين وباقي الشوط نصراوي بحت والمشكلة تقدم الهلال بهدفين وليتها ملعوبة بالعكس اهداف بأخطائنا .. اما بالنسبة للهدف الثالث احمله خالد راضي وماهوب الحارس الكفو لعرين النصر ولافيه حارس كفو منهم

نرجع للمباراة

صراحة الي اعجبني اليوم من 3 الى 5 لاعبين في النصر والباقي كانوا ك تكملة عدد

خالد الغامدي - بينو - عبدالعزيز فلاته - احمد عباس - عنتر يحي

كانوا قمة في الفريق وكانوا شايلين الفريق للأمانة لم ارى لاعب غبي لدرجة كبيرة مثل مارسير

لاعب مايعرف يقطع كورة والي بيسحب فيه زي اللوز ماعندك احد

حسين عبدالغني ينرفز اللاعبين ومستوى زفت

عدنان فلاته اليوم ماقدم المستوى المأمول واتمنى منه مواصلة اللعب

راضي للأسف ماجاك هجمات زي الناس الا 3 صديت 1 و2 قول

عمر هوساوي ماهوب العشم والله واتمنى الاستمرار

ريان بلال والله ان شفتك في مباراة للنصر مرة ثانية اني لآحكم على غباء المدرب

مالك وعبدالرحمن القحطاني رغم دخولهم المتأخر حركوا الفريق الى ما قبل طرد بينو الي اشوف ان اجحاف بحقة ومافيها طرد


مدرب لم يساعدونه الاجانب ولا اللاعبين واعتقد ان تدخلاته كويسة لكن يبغى له غربلة في الفريق

ماابي تغيير في الوقت الحالي في اي شي ابي حاجة وحدة فقط

اللاعبين الي ماذكرتهم في البروز الي هم الخمسة ماابي اشوفهم في الفريق الاول

ياخي عط الاحتياط فرصة خلهم يلعبون عندك سعد والسهلاوي ومالك والقحطاني والزيلعي من المدرب الي مايلعب اللاعبين هذولي الي بروحهم يقلبون النتائج

تكفون بس فكونا من الباقين هذولي

وليد .. ماقلتلك الفريق متهالك ومنتهي وكنت تقول لا

الحين اقتنعت بكلامي؟

[نصرآويه عآلميه]

والله مادري وش مشكلة هالفرق
لاعبين غيرنا لاعبين مدربين غيرنا مدربين الاداره تغيرت الاداره والنصر مثل ماهو

[عزي لحالي]

آويلآآآآهـ على النصر
حاله بجد يرثى له
/
هارد لكم

[رائد العصيمي]

اقتباس والله مادري وش مشكلة هالفرق لاعبين غيرنا لاعبين مدربين غيرنا مدربين الاداره تغيرت الاداره والنصر مثل ماهو

المشكلة في الادارة والتعامل السئ

السنة الي فاتت مع زينقا كان الفريق ممتاز والغلطة الوحيدة هي التعاقد مع الاجانب مثل رزافان وبيتري وهم فاشلين ومع ذلك غيرته الادارة وخلت بيتري وماكين

طيب مادام غيرتهم غير الاجانب الفاشلين هذولي

ومع ذلك جابت دراقان الي كان السي في حقه فاشل بمرتبة الشرف وفشل معنا وجلسوا كذا جولة لين انهزمنا من الاتفاق والاتحاد وطار المركز الرابع والثالث علينا بسببهم

الادارة سيئة في التصرف مسرفة في الصرف فاشلة في التعامل مع اللاعبين

اتفق معك فيصل له نسبة قليلة من هذا الفشل لكن تواجد الكادر الاداري معه كان فاشل بمرتبة الشرف