قلبي بلادك ولكن..

قلبي بلادك ولكن..

رآقــت لي أتمني تروق لكــم

..
..

أنا أدري إنّي وطن بس إنتْ ما تسوى
_______ أعطيك عمري وتفكّر في ( وطن ثاني )
سوّيت لك كل شي ‘ لكن .. بلا جدوى
_______ لي يوم بلقى مواطن .. يشبه أوطاني
ما أخذت حبّك تسلّي وينها السلوى ؟
_______ خلّيتني في مُسمى الحُب « وحداني »
بنساك ‘ من قبل ما تنقل لي العدوى
_______ لأن الخيانه مرض لا تَعدِي أحضاني
ما أشتكي لك جروحي للـــه الشكوى
_______ كيف أشتكي منْك يا سجني وسجّاني
عافت بلادك وجودك ياللي ماتهوى ،
_______ ما أبيك لو كنت آآخر شخص يهواني !
الهقوى إنّك "تِحِب" وخابت الهقوى :
_______ كافي هقاوي ! أمااانه روح و~ إنساني .
إن كان باسك قوي ؟ حيل الله الأقوى !
_______ ضيّعتني .. وخل أدورني أبي ألقاني |
فرقاك بلوى ؟ بعد لي عشرتك بلوى .
_______ وضعين فيهم أكون بْـ قمّة أحزاني .. .

قلبي بلادك ولكن [إنتْ ما تسوى ] ،
بِتْحس في قيمته ؟
• جَرِّب بَلَد ثاني !
• جَرِّب بَلَد ثاني !
• جَرِّب بَلَد ثاني !

..

..

لرائع أحمد الصانع

</b></i>

المصدر: الملتقى الجماهيري للشاعر محمد بن فطيس المري