((من زود حبي * مناة القلب* سميته &&ومن زود حبه *امير القلب* سماني

[بنت الروقه]

****************

يا خالد الليل سرَآني وخاويته
اسهر معه بين موالي وقيفاني

يا خالد اسمع وش الي منَك اخفيته
دامك تنشَد وش الي مسهر اعياني

لي صاحب ٍ(ن) في غيابه كم تباطيته
هذاك هو سبة جروحي مع احزاني

يا كم سهرت الليال وكم تحريته
مدري علامه إلى ذاليوم ما جاني

ياليت يدري عن احوالي وياليته
يذكر وش الي بذاك اليوم وصاني ؟

ان ابتعدنا وخلاني وخليته
منساه لو نفترق وهو ما ينساني

ما اذكر ان في حياتي يوم جافيته
ولا اذكر انه يحاول يوم يجفاني

لاضاق هملت كل الناس ثم جيته
ولا ضقت همل جميع الناس من شاني

هذاك ماغيره احد ٍ قد تمنيته
هذاك والله ملك روحي و وجداني

من زود حبي * مناة القلب *سميته
ومن زود حبه *امير القلب*سماني

لا شفت طيفه بوسط الصدر ضميته
وإليآ ابتعد قلت : تو الناس ممداني ؟

وارجع واضمه بصدري ثم بكيته
ومن شفت دمعه جرحني ثم بكاني

الهم في غيبته كن الحشا بيته
من بد هالناس .. يتركهم وينصاني

وافي على العهد والله ما تناسيته
وافي ولو الزمن فيه يتحداني

يا خالد القلب عناني وعنيته
سقته بدنيا الغرام الي تولاني

والحين تعرف وش الي منَك اخفيته
لآ عآد تنشد وش إلي مسهر اعياني

**********

 

 

 

 

 

 

 

 

توقيع : بنت الروقه

اهْرَبّ مَنْ الّذَكرَىٰ وَاعَوّد إلَيهآ ......................كَلّ الّدرَوْبّ لْذّكرايآتَكّ تّؤدْيٰ آخَافّ لاَفّقَدْهَآ وآخآفّ آنْتَهِيهَآ ..................آعَيِشّ وَالّذكْرىٰ صرَآع وتَحّديٰ

[محمد الوريكي]

تسلمين والله
وتسسسلم يمينك
وكلك ذوق

[رائد العصيمي]

ذوقك راقي

صح لسان قايلها الله لايهينك

[شآسع المري]

حجززز متأخر

[بنت الروقه]

مروركم زادني شرف ياالغوالي

[آلريم آللعـوب]

بنت الروقـه ي لبــى بنت الشيـوخ
ذوووق ,, صح الله لسانـه شاعرهـآ
وسلمت يمنـش ي بعـدي

[~{سوافي~الريح}~]

صح ذوووقك وتسلمي يا الغلا على هالأبيااات الجزلة
وصح لسااان من قااالها

[قلبي اسيرك]

طااااااااب منقووولك

[الماسـه]

بن الروقه ذوووق غير
ذووووق غير عن الناس كلهم
تعجبني كلماتها
يعجبني طرحها
يكفي إنها فارضه إحترامها عالجميع

تسلمي قلبي
عسى ربي يكتب لك الصحه والعافيه
ويجعل طريقك كله سعاده طول حياتك يارب
قلبي أنتي

[بنت الروقه]

الف شكر لكم مانحرم من طلتكم العطره
لكـم ودي وحبي