الحـب مثـل النووم

الحـب مثـل النووم

الحب مثل النوم .. والوصل .. الاحلام=والشيين من الاحلام..صد المحبيين
نوم ٍ طويل ٍ عمره اشهوور واعواام=وان قمت.. ففهمها فرااق وسهر عين
وانا رقدت وعمري اربع عشر عام=وصحيت في شهر اربعه عام الالفين
نوم ٍ ثقيل ٍ كله احلام واوهاام=ونصيبي من احلامه الجانب الشين
صحّى الفرااق اقلوب في عكسه..نيام=وغاب الفرح وانا بعكسه الى اللحين
ياحزن كبدي حزن من ضاق ثم حام=اخذت فروخه مادرى ليه ولوين؟
بعد ما شاف العش عيدان وعظام=خاالي..تفكر فووق ويساار.. ويمين
خلا عشاها فيه ومن الوطى شاام=زبن على روحه وفل الجناحين
وياوجد حالي وجد من نام ثم قام=على صياح امه وهو دون رجلين
عويق وامه تنعته والنعت سام=وهو خابر انه يقسم الصف صفين
حبا وصاح بصيحة ٍ تاصل الشام=منها تقطّع في خفوقه شرايين
على وليف ٍ قسم اظنوني اقسام=واقفى وانا ما اعرف طرد المقفين
راح وترك في صدري ووسووم واعلام=وصى علي طيفه وقفى بقلبين
ليته تعذّر كان ماهو بمّلام=بعد ماشااف الدرب بيسير دربين
اشوى عليه شوي..من عظ الابهام=واشوى علي شوي..من دمعة البين
تمشي بنا الاقدام والموت قدام=وميعادنا يمفرق اثنين بعدين
ياعين لا تبكين وعيونه تنام=عادش الى ما خاب ظني بترضين
لو الدموع اتفيد فادن الايتام=ولو الكلام يفيد عادت فلسطين
ولو النباات يطّلعه دمعة هيام؟=شفتوا على وجهي ورود وبساتين
الحب سجن..وبعد الاحباب الاعدام=وقلوبنا السجّان مدري مساجين
الحب نوم ٍ عمره اشهوور واعوام=وان قمت ففهمها فرااق وسهر عين
....
وانا تراااي انعست من مدة اياام= لحدن يصحيني يالاقداار ..تكفيين

محمد بن حمد

المصدر: الملتقى الجماهيري للشاعر محمد بن فطيس المري

الله الله يا بو حمد

ابيات في القمه

صح لسانك يالشاعر

" عيوني حزينه"

كل الشكر لك

قصيده رآئعه لمبدع

مافيك حيله يابوحمد

سلمت عيوني حزينه

.
.
صح الله ألسان أبو حمد
قصيييدة ٍ جزلة من شاعرنا الجزل .

لاهنت أبووي ,,

ياعيـن لا تبكيـن وعيـونـه تـنـام ** عادش الى ما خـاب ظنـي بترضيـن

ايـوالله يابـوحـــمد ,آآييييه !! لاتعليــق

عـافاك ربي عزيزي (عيوني حزينه ) ماتـقصر دووم جعلك سالم

تحيتي

الحب مثل النوم .. والوصل .. الاحلام
والشيين من الاحلام..صـد المحبييـن


الله عليك ياعيوني
لاهنت على هيك طرح
صح السانك يالغلا
لاعدمنا الجديد لغاوي

الله يعطيك العافيه على هالمجهود

بانتظار جديدك

دمتِ بود

9aa7 elsaaan el shaa3r
o ma ga9artooo

.... قصيده ابداع ... بكل امانه اعجبتني .... صح لسان شاعرنا ... والله يوفقه

لاهنت ع كتابت القصيده ... واصل ابداعك ... تقبل مروري