ترَى الكِبد فَاحت

[عيوني حزينه]

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه ربي كتب لي ومريت=درب ٍ عليه بروق الاحباب لاحت
جيت المكان اللي جمعنا وخفيت= وقامت جروحي للجوارح وصاحت
يا ليتني في لفة الدرب زليت=كان العيون من الدموع استراحت
اللتم غيم الدمع من يوم لفيت=وورقا القصيد لشوفة الغيم ناحت
و ضحكت ما ابغي الناس تدري يبالفيت=لكنها غصب ٍ على العين ساحت
حارت دموعي في عيوني وصديت=وارمشت ابيها ماتبيّن... وطاحت
وعقبه برق فالعين براق واسقيت=خدي ووناتي بصدري تلاحت
وانا احسب اني في فراقه تعافيت=وان عبرتي من مدخل الزاد زاحت
اللي يحسب اني على البعد سجيت=والا ان عيوني للرقاد استباحت
ياليتني من قبل لا احبه اقفيت =والا ان دروبي عن دروبه تناحت
اهون علي من البكا والتناهيت=واشلا من سدود ٍ على الناس باحت
عرفت كيف الحي يفرق عن الميت=وعرفت قيمة نعمتي يوم راحت
قولوا له اني عقب بعده تدانيت=ورجلي عن دروب المعافين شاحت
البعد نار وطاعة العذل كبريت=يقصر على بعده... ترى الكبد فاحت
[/poem]


محمد بن حمد

 

 

 

 

 

 

 

 

توقيع : عيوني حزينه

---

التعديل الأخير تم بواسطة عيوني حزينه ; 10-08-2010 الساعة 10:45 PM

[جـنـون الـحـب]

حروف من ذهب و ملامسه للوجدان

صح لسانك يا بو حمد

و كل الشكر لك | عيوني حزينه|

على الاختيار المتألق

[,, عسـّـاف ,,]

.
.
صح الله ألسان أبو حمد
قصيييدة ٍ جزلة و رايقه لـ أبعد الحدود .

لاهنت أبووي ,,

[ḓḟẩ- ẩι ќồỔổʼn]

كلمآت بقمة الروعهَ
استوقفتني كثيرآإْ ..
لآعدمنآ جديدكَ
وسلمت يمنآإْكَ ..،

[احساس]

.... قصيده حلوه .... صح لسان شاعرنا ... والله يوفقه

لاهنت ع كتابت القصيده ... واصل ابداعك ... تقبل مروري

[اشكيك لمين]

من افظل ماسمعت ل ابو حمد
بصراحه يوم عن يوم يزيد حبي ل شاعرنا الكبير
وشكراً ل عيوني حزينة ولا عدمنا جديدك

[امنيات]

صح لسانه شاعرنا و علا شآآنه
يسلم رووحك خووي ع الطرررح

اسمح لي بإضافة ....

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تحيتي لشخصك الكريم ..

[جوودي العتيبي]

الله يعطيك العافيه