مجموعه من القصائد والمقاطع لآبن فطيس بصيغه (mp3)

السلام عليكم ويعطيك الف عافية على هذا المجهود

اذا سمحتي لي مشرفتنا اضافة بسيطة للاخوة الذين يبحثون دائما عن جديد مبدعنا بن فطيس

نحن نعرف انه له قصائد اشتهرت باسماء وعنواين على سبيل المثال قصيدة ( اي والله اهوجس ولاني بمرتاح) هي القصيدة الكاملة والمقطع اللي مشرفتنا العزيزة ادرجته (العام خلي يسمع الصوت لاصاح ) هو جزء من تلك القصيدة
(((إي والله أهـوجـس ولانـــى بـمـرتـاح )))

إي والله أهوجـس ولانـى بمرتـاح
والحزن فى حوش الحنايـا بفـاروع

أمسيت من وصل المواليـف مـزاح
وأصبحت من فرقى المواليف مفجوع

البارحه فى غبـة الوصـل سبـاح
واليوم من عرش المواصيل مخلـوع

ياصاحبى صرح الهوى والوفى طاح
والقلب كنه مـن عراويـه مقشـوع

كان أحسب إن لحبنا عشـرة أرواح
إلين شفت الحبـل بيديـه مقطـوع

يوم العهد به حده إسبـوع لـى راح
إسبوع ويعوّد علي شـوق ودمـوع

واليوم خمس سنين والهـم مـازاح
هم الفراق اللى بلا عـذر مشـروع

أستغفرالله تسعـة شهـور ياصـاح
فى غيبته قمت احسب اليوم بإسبوع!

العام خلي يسمـع القلـب لا صـاح
واليوم مهما صاح ماهـو بمسمـوع

ضاع الحساب وشفت برق الجفا لاح
وأيست لولا إن الرجا فـي مـزروع

وحالي نحل والحال مهوب منسـاح
من كثر ماأظمأ للمواصيـل وأجـوع

بليت في من دونه سيـوف ورمـاح
وغدا علي وصله مثل حبـة الكـوع

له مني إن سره على الناس مابـاح
ولي منه إن الصد غصبٍ بلا طـوع

وحتى لا يتشتت محبي مبدعنا عند سمعها وخصوصا من لا يحفظ القصيد كتبت هذا الرد

كذلك المقطع(خطاي في توظيف وش هي غلاتك) من قصيدة (الله يجازي من يسوي سواتك)

والمقطع (ياقلب ياللي ورثك جروح والآم ) هو من قصيدة (عقبال يا ماخذ فؤادي مية عام)

اتمنى تكون مشاركتي اضافة بسيطة لهذا الموضوع المتميز