كل العلوم الطيبه في تلاشي

[رمح جساس]

السلام عليكم ورحمة الله وبركاته
هذي القصيده اعجبتني وحبيت انقلها لكم

سقوا سقى الله من مطر كـل ناشـي=ربعٍ لهم في منبـت القفـر مغبـاش
يتلـون درب اللـي لبرقـه تواشـي=كثحه على حد السمـا تقـل لطـاش
كم مـرة بيـن السفـر والغطاشـي=دكوا على جول المها منه وأنحـاش
وبنوا به اللي مثـل روس الدشاشـي=مثل القور ماهن هداريس وعشـاش
لاشافها الجيعـان جـاك متحاشـي=يقلط على بيض المناسف والاكبـاش
وصفر من الصالي لهـن اجتواشـي=يصوك ريح ابهارهن كـل ماغـاش
والتمر والمركـا ودمـث الفراشـي=زل ٍ برومـا لـه مـوزع ونقـاش
ماحسبـوا تـال الشهـر للمعاشـي=ولاسعروا حمل البواخر على الطاش
بالسوق عملتهـم ماغيـر المواشـي=اللي من اللي ينبت الغيـث تعتـاش
وإن جـاء بلدهـم زاد ولا قماشـي=وسمعوا ووافاهم بالاخبـار طـراش
ودوا لسوق البيـع فاطـر وحاشـي=والمندرج بالسوق من باق الادبـاش
والطيب سعره صعـب ماهوبلاشـي=فازوبه اللي يدفعـون الثمـن كـاش
ماجاب غيب قلوبهـم كـل واشـي=بين القبايل ذكرهم يدهـش ادهـاش
مافـض مجلسهـم خطـاة الدفاشـي=اللي يتوع بكلمـة تصطـح الجـاش
همـاز لمـاز هـبـود اريـاشـي=سبـاب نمـام مـراوغ وهــلاش
الليا نصحتـه زاد شـره وطاشـي=انحل امانه وانفـرط تقـل رشـاش
ينبش جثث ناس بها الـدود ماشـي=وسط اللحود اللي توحـش توحـاش
حـرااام فيهـا مايجـوز النقـاشـي=جنايز حـدر الثـرى كيـف تنـاش
كـل العلـوم الطيبـة فـي تلاشـي=تمضحلت واللي بقي طاش ماطاش


الشاعر{عبدالله بن زويبن الحربي}



الشاعر / عبد الله بن زويبن

 

 

 

 

 

 

 

 

[آلــــجآدل]

صح لسآنك ولسآن شآعرهـآ
وعسآك ع القوه
ولاعدمنآ جديدك,.

[حلم~]

يًشُشُرٍَفٍنٍيً آنٍيً حِجَزٍتِ مٍََقٍِعُدُيً هُنٍآآ..
لأ تِنٍَفٍسِ..لأنٍتِعُشُ
لآسِتِنٍشَُقٍِ آرٍيًجَ حِرٍوٍَفٍگ
َفٍگلمٍَآتِگ تِخٍطََفٍ آلآنٍَفٍآسِ
وٍتِعُزٍَفٍ عُلىٍ أوٍتِآرٍ آلَقٍِلوٍبُ
أعُذِبُ وٍأرٍَقٍِىٍ سِمٍََفٍوٍنٍيًة َفٍيً آلآيًآمٍَ
بُوٍحِگ آلعُذِبُ يًحِرٍگ آلمٍَشُآعُرٍ وٍ آلوٍجَدُآنٍ
دُمٍَتِ لنٍآ مٍَبُدُعُة َ
وٍ شُگرٍآ لَقٍِلمٍَگ آلمٍَآسِيً
تَِقٍِبُلي مٍَنٍيً طَوٍَقٍِ آليًآسِمٍَيًنٍ مٍَعُ نٍسِآئمٍَ آلرٍبُيًعُ
دُوٍمٍَآ لَقٍِلمٍَگ نٍبُضَهُ آلخٍآصِ
وٍلگلمٍَآتِگ وٍَقٍِعُهُآ آلنٍسِيًمٍَيً
دُوٍمٍَآ سِنٍگوٍنٍ هُنٍآ بُآلآنٍتِظِآرٍ
لمٍَزٍيًدُ مٍَنٍ رٍوٍآئعُ يًمٍَنٍآگ

[رمح جساس]

شموخ كثيريه
آهات
كلي شكر على مروركم
والله يجملني على رد الجميل

[نايف الشمري]

... رمح

لاهنت على النقل الجميل

صح لسان شاعرها وصح ذوقك

تقبل مروري تحيه لك