موضوع المليون رد........!!!!][ التحدي ][

البارحه مابين حلم و تمني
تاهت بي الشرهه وبانت مواريك


خابت ظنون العشق اوخاب ظني
ولا الرجا ضيع دروب توديك


المشكله ماغير حبك كسرني
وأنا العزيز الي رضخ من تغليك


مجنون بك متولعن فيك يعني
بايع جميع الناس لاجلك وشاريك


افهم حياتي دون وصلك رمتني
أبطيت في بعدك وطالت حراويك


لولا غلاك وحبك الي ملكني
مبطي نسيتك يوم تعلن تجافيك



ولولا المسافه الي تبعدك عني
جيتك حبيبي أرتمي بين أياديك



ولولا مشاريه وسلوم تحكمني
جيت وخذيتك بين منهو حواليك



لاكن حبيبي اليا متى تمتحني
واليا متى قلبي كسير لمعاليك


شوقي يزيد وزاد وياه وني
أشعلت في حدب الضلوع بتماديك



يامن طغى بالهجر بعد التجني
إنبح صوتي وأنت مبعد وأناديك


أسقيك من دم العروق و تمني
هذي سواتك صرت كني معاديك


البارحه ماأمسيت طيفك جبرني
أذرف دموع العين وأندب طواريك



واليوم يالي رمش عينك فتني

أستسمحك في النوم يمكن الاقيك