(......)في نقطه تحــــــــول .

[رائد العصيمي]

اقتباس بآك أخوي رآئد .. هاك اسئلتي../

يامرحبا بك

اقتباس 1) موقف تتمنى لو تعود بك الأيام لكي تمسّحه من ذآكرتك.؟ ..

موقف اني رجعت وحاولت ارضي صديق لي عزيز ولازال عزيز
ورجع لي فعلآ لكن بعدها بأيام لقيته يقول انتهى كل اللي بيننا
قلت ليش كان ردهـ (بس كذا)
طبعا الكلام ذا قديم قبل يمكن 5 سنوات لكن جد استرخصت نفسي كثير
لآنه مايستاهل لو كانت معزته عندي محفوظه للحين

اقتباس 2)أبيات لك ترددت كثيراً قبل نشرها..وما السبب.؟

قصيدة لي بعنوان ياصاحبي ياللي علينا تكبرت
لآنها كانت خاصة لشخص ووصلت له ترددت اني انزلها
لكن نزلت والحمدلله اصدائها حلوة

اقتباس 3) أبيات مشهوُره تمنيت ان تكوُن أنت كاتبها.؟ ..

كثير ابيات حلوة لكن الصراحه مااحب اتمنى شي فات وراح
احاول ابني صور واشياء من راسي عشان الشعر ابتكار والله يجملني على الشي ذا

اقتباس 4) شغل قريحتك وإكتب بيتين لي..<و الجواب إختياري وسلامة قلبك..

يقول
اصعب مراحل فالغلا بين الاحباب
لامن ذكرت الي تحبه وتغليه
صد وتناسا دون غلطة ولااسباب
وانت تعرف بيته ولاتقدر تجيه
لاخاطرك طيب ولا مسمعك طاب
وقلبك طوال الوقت صابر ويرجيه
ماهيب لحية شوق وهيام وعتاب
لاصار صده دون عاذر وتنبيه

وليدة اللحظة وحصريآ هنآ

هيضتني ياليل العاشقين الله يغربل بليسك