~> أُنثى غُزلت‘ من خُيوطْ الغروب‘ ●

رد: ~> أُنثى غُزلت‘ من خُيوطْ الغروب‘ ●

ي دنيتي هذي تعلمت حاجات
بذكر بعض مافادني به زماني
مااتبع اللي صد عني بلحظات
ولا ارخص اللي بالمحبه شراني
واذا رحلت ارحل بعزه وبسكات
ما أرد صاع اللي بغدره كواني
اما أجي كلي شعوري مع الذات
أوابتعد كن ماعطيته حناني
عرفت ان العشق فعلاً مقامات
اما مؤبد اويُعوّض بثاني
عرفت ان اصعب وفاء بالأمانات
يومٍ عطيت القلب شخص ونساني
في دنيتي ذقت النكد والمسرات
اسعدني اللي بالمهالك رماني
أقوى الطعون اللي تجي من خيانات
لاصرت مجني وأغلى انسان جاني
اللي ضحك لي شلت عنه الملامات
ياللأسف حمّلتها من بكاني
لكن هي الدنيا تجارب وغلطات
خطا عملته ولصوابي هداني عرفت كيف اضوي دروب المتاهات
عرفت كيف القاصي يكون داني
لجل الأمل بسعى فكل المجالات
ماضيّع الأمال ولا الثواني
لومات امل عندي ابقول مامات
أفرح به أكثر يوم احققه عاني
في كل اموري راح اعيد الحسابات
أحرم واضاعف بالعطا من عطاني
حرّمت اعاشر من يطيع الوشايات
حرّمت اخاوي واحد مابغاني
حرّمت اصدق كلمةٍ مالها إثبـات
حرّمت وصلي مايجي من جفاني
ان صد عني شخص جابالبدايات
ما عاد اجي لو راد يعرف مكاني
تعبت اجامل واكتم بصدري آهات
اضحك وقلبي جمرة بالمحاني؟

المصدر: الملتقى الجماهيري للشاعر محمد بن فطيس المري