وين القصيد اللي يروَّح عن الروح

[رشيد]

.
.
.
وين القصيد اللي يروَّح عن الروح
يا كود همٍِ بين الاضلاع ينــــزاح
وين السوالف والتعاليل ومزوح
مع الربوع اللي له الكيف ينساح
السد ماهو بين الاثنيين مفضوح
والكل منهم للمواجيب نطــــاح
ودي أهيض ودي أنوح وأبوح
اسج لو ساعه من الوقت وارتاح
كبدي تفوح وقلبي اليوم مجروح
والجرح ينزف يا مداوين الأجراح
يلعب بي الهاجوس من وين ماروح
وبالليل ساهر لين فلاق الأصباح
مليت من كثر الغرابيل والجوح
وقررت اغادر واتركَ الدار يا صاح
طبيت في بحرٍ ولا نيب سابوح
تلعب بي الأمواج مع عات الأرياح
بحرٍ وحل بالغدر والظلم مسفوح
ولا نيب في بحر الخيانات سباح
ولا نيب ادور من وراءَ الغير مصلوح
ولا نيب احسب للخساير والارباح
ولا ني على دنيا الدنيات مشفوح
اخلي الهزلات واشوم يا صاح
-

#شعر// #فهد_عبدالعزيز_الرميان​

.

 

 

 

 

 

 

 

 

توقيع : رشيد

. Rule NO. 1 : Rshed Is always right Rule NO. 2 : If Rshed Is wrong see Rule NO. 1 -