رشيديات ( شعـر )

[أم عمر]

شكرا رشيد ولا هنت وصح لسان شاعرها
ابيات جميلة جدا جدا

تحيتي وتقديري

 

 

 

 

 

 

 

 

توقيع : أم عمر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[رشيد]

يقول المُبدع ساير البقمي:
..
.

صرت ما بين المسافه والأيام الشحاح

لا بغيت أرد هاذيك ، ذيك تردّني

كل ما عرّض خيالك على بالي ولاح

أستمد إلهام هجرك عساه يمدّني

أعرف إن حبال وصلك يزيدن الجراح

وابتعد وحبال وصلك جهتك تشدّني

.

[رشيد]

يقول المبدع شبيب بن شاهر:

على شوفها الكفّين جدواي فركتها

وهي عينها من صافي الدمع مسكوبه

أخفّي عن العالم معالم محبتها

وأنا والله إن حالي من الصد منكوبه

جروح الهوى تبرى وتبرد حرارتها

ليا حصّل الظامي من العِد مشروبه

[رشيد]

يقول فايز بن محمد السبيعي:
.
يا سم قلبي كل ما قلت لي سمّ
وش عاد بيجيني ليا قلت لبيه
كنك تقول أذبحك وأقول لك: تم
وكنك تقول أرحمك وأقول لك ليه؟!


.

[أم عمر]

الله الله قصائد رائعة جدا جدا

رشيد

اشكرك لجمال طرحك الانيق امتعتنا جميع بهذه القصائد الرائعة والانتقاء الاروع

سلمت يمناك وبانتظار ابداعتك

تحيتي وتقديري

[رشيد]

اقتباس المشاركة الأصلية كتبت بواسطة لولوه المري الله الله قصائد رائعة جدا جدا رشيد اشكرك لجمال طرحك الانيق امتعتنا جميع بهذه القصائد الرائعة والانتقاء الاروع سلمت يمناك وبانتظار ابداعتك تحيتي وتقديري

يقول المبدع فلاح القرقاح:

من كان له خطوةٍ فاللوح مكتوبه

طال الزمان أو قصر لا بد يمشيها

واللي بلاه النصيب بحب رعبوبه

راحت من ايده وقلبه بين أياديها

يبطي ونفسه عن اللذّات محجوبه

ويندم على الساعة اللي شافها فيها

[رشيد]

للشاعر سعد بن جدلان:

.

اجمع له اسمان الهرج خوف من التقصير

ولا جيت بشرح له كلامي تهيزلته

يجيني منه هيبه.. معزّه.. سحى.. تقدير

أقابله عندي علم .. وأروح ما قلته

.

[رشيد]

يقول الشاعر خلف المشعان:
.

الصبر عن بوح الأحاسيس قتال
والبوح في بعض المواقف فشيله
لو كل ما يطري على البال ينقال
ما كانت أحس إن الثقيله.. ثقيله
ابطيت أكافح ضيقة البال.. بالبال
وادفع بلا هاجوسها كل ليله



.

[رشيد]

يا جارح ٍ قلبي
...........
صالح سليمان البلوي
...
..
.
يا جارحٍ قلبي ترى عزمي من الوقت مهَدُوْد
لاعاد تسأل عن همومي قلها من زودها
والهم غيمة في سما الاحزان لو راحت تعود
من تمطره عينه تعيسه ما اهتنت برقودها
اتعبت نفسي في سؤالٍ زاد بالجوف الوقود
كيف اكشف اسرار الليالي والظلام يسودها
وان سقت خطواتي حشى كني على الضيق محدود
غرب المدينة والسماء يفزع هزيم رعودها
يا صاحبي ضحيت لكن ماجنيت الا الجحود
كم لي وانا احاول ونفسي باذله مجهودها
دام القلوب البيض تعرف والقلوب السود سود
والنفس ما تجهل حكي بيض القلوب وسودها
وان كبلتني غربة الايام بثقال القيود
لا بد ما ياتي صباحٍ فيه افك قيودها
رغم انكساري والأسى عندي امل ماله حدود
وانا الأماني ريح ياسي ما يحطم عودها
وان مرني نسناس عصرية معه هبات نود
ما يبهج النفس الحزينة غير هبة نودها
من واقع الدنيا ومن مابي تعلمت الصمود
واخلفت هقوات الرجال اللي تمن بجودها
ليه انحني مادام طبعي لا رقيت ارقى سنود
واصعد على القمة ولو غيري يهاب صعودها


...
..
.

[علي المحوري]

من اجمل القصايد

مشكور رشيد وصح لسان

شاعرها