YouTube الشعـر

[أم عمر]

اقتباس المشاركة الأصلية كتبت بواسطة رشيد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[align=center][tabletext="width:50%;background-color:seagreen;border:10px outset crimson;"][cell="filter:;"][align=center]يامعدي فوق رجمآ من رجوم الارض زامي
انت وانا بعد ماعديت لعما والمقدي

جر صوتك والهوى نجدي ترى ماهوب شامي
جرتن يدوي صداها في ضلوعي يالمعدي

دام مالي حيله اعدي معك وابرد هيامي
لك علي احذف لك اشماغي واصفق لك بيدي

يابعير الحمل ابو نابين مردوم السنامي
غاربك لثقلت الحمله عن جنوبك يعدي

خل راسك لسما ولا يوطيه الخزامي
او ترى مالك من القصاب عذر او لا مصدي


جعل ربي مايحاسبني على عضة بهامي
والصبر من فوق طاقه ماتحمله امتعدي

لا رفيق الا الظفر ولا حزام الا حزامي
بعد ماجربت جمع الذل والسيف المصدي

والمفدي عن بني عمه بروحه مايلامي
لبغا عن روحه بروحه ياعذاله يفدي


يازماني لانوت تخفي لياليك عظامي
ثم يجي من بعد جيلي جيل عصرن مستجدي

طالبك حق الكريم اللي ماتجحده الكرامي
ساعتن شح السحاب ابماه وكفوفه تندي

لنشدوك اللي ماتعرف قيمتي ولا مقامي
من هو ابن الذيب علمهم بلا ظلم وتعدي


قل لهم مدري لكن محمد ابن الذيب يامي
من غروره كل يوم ايقول لي ماانته بقدي

وان دعيته للتحدي قال بالصوت التهامي
احفرو قبري ياربعي ويش انا لولا التحدي

ويالجفول اللي سرق طيفك من عيوني منامي
ليته ايهدي على قلبي وليته مايهدي


كيف تبلغ ناعسات الطرف مركوبة سلامي
وانتي امعيه تلدين النظر لقلت لدي

لاتخفين الدموع الغاليه تحت اللثامي
ودي اشوف الدموع او ودي اشوفك او ودي

ان قلبك مايعاتبني ولا يكثر ملامي
دام يجهل ما اكن ولين يعرف ما ابدي

استبدي دام قلبي من لهيب الشوق ضامي
ماعطاك الا الله اللي يعطي الناس استبدي [/align][/cell][/tabletext][/align]