ياركني الهادي تراني نصيتك,,ودي اعبر عن خفايا شعوري..ركني الهادي

[رائد العصيمي]

تحسب ان الوقت بينقص غلاك
والله انه زايدك حب وغلا
ايه ابيك وكل مافيني يباك
جعلني من شوف زولك ماخلا

بقلمي

 

 

 

 

 

 

 

 

توقيع : رائد العصيمي

اللهم اشرح صدري ويسر امري اللهم انصر اخواننا المسلمين في سوريا .. اتمنى من الجميع الدعاء لهم بالتوقيع تويتر ( رائد لمتابعة قصائدي والتواصل معي ) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] مدونتي (ياركني الهادي تراني نصيتك) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[رائد العصيمي]

تبوك تغرق :

من نكبتك ياعروس الغرب ماتبنا
هذي عروس الشمال بسيلها تنعا
ياحاكم المملكة وشلون تتركنا؟
للي على اشلاء شعبك تاكل وترعا

بقلمي

[رائد العصيمي]

العام كنت اللي تدفي ضلوعي
يوم ان برد الشبط جمّد عظمها
واليوم وصلك مايجي بحب كوعي
شوفتك في ذا البرد مالله قسمها

بقلمي

[رائد العصيمي]

فاجأتني بصدك وانا غافل ن عنك
مابرمج الخاطر مع الوقت صدك
هذا جزاة اللي على قلبه امنك
خنت الامانة معه لا رحم جدك

بقلمي

[رائد العصيمي]

قلت في نفسي عسى الله يثيبك ويهديك
كيف قلبي في خضام المحبة تتركة
لي شهر يازين والقلب يسهر يرتجيك
اشهد انك فالهوى معي مافيك بركة

بقلمي

[رائد العصيمي]

عز الله اني ماتوقعت فرقاك
خصوصا اني قلتلك لاتفارق
وشلون تتركني وانا كلي ابغاك
ماتشوف قلبي فالصواديف غارق


بقلمي

[رائد العصيمي]

صباح الخير

شخباركم؟

اشتقنا لكم والله

[رائد العصيمي]

يارب شف سوريا وش صاير ن فيها
انصر عبادك على هالظالم الجاير
شبيحة ن طاغية يارب تمحيها
حتى تطفي معاليق الحشا الفاير


بقلمي

[رائد العصيمي]

اشهد شهادة حق والحق ينقال
اني بعد ماغبت ضايق ومهموم
الحال لاتنشد ترا عقبك الحال
مثل الذي من طيّب الزاد محروم


بقلمي

[رائد العصيمي]

ياذيب ياللي خيرك يحوش غيرك
انيابك اللي فالوعد تطلبك حق
تعبت تقطع لك ولا تذوق خيرك
وصلب اللحام يفككه كثرة الطق

بقلمي