على طريق الحب ( متعب الثقيل )

على طريق الحب ( متعب الثقيل )

السلام عليكم ورحمة الله وبركاته // صبحكم الله بالخير جميعاً ،،

مصافحه أولى ،، قصيده لي متواضعه سبق وأن تم نشرها في جريدة الرياض ،، وهذا رابطها

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


عموماً ، أفتحوا قلوبكم لها ،،،



‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘

على طريق الحب ، صارت حكايات=وماتت على نفس الطريق ، الأماني
كل ماطرالي عشقنا ، فالبدايات=جلست أردد ،، حلّها يازماني
الشوق شمعه والمواصل إضاءات=والحب لهفه والمشاعر أغاني
والصدق نادر في زمان المتاهات=والكذب شاطي والمواجع مواني
تدري وش أسباب الغدر والخيانات ؟=غياب شرط التضحيه والتفاني
طبعي كذا ،، أكره جنون النهايات=واللي نساني ، ذنبه انه نساني
تربطني مع بعض الأوادم علاقات=وبعض الأوادم ، ماقربه لو بغاني
على كثر صدمات قلبي والآهات=أطيح وآقف ،وابتسم لو أعاني
أمشي على مبدأ ، وعندي قناعات=ماللبشر منّه ، إذا الله عطاني
واستصغر أهل الحقد وأهل الوشايات=ومن سبني ، ماهز لحظه ، كياني
وان جات في ظهري مع الوقت طعنات ؟=هذا دليل ، إنه فالاول مكاني
مايجتمع فالوقت ، حب وخلافــات=وأكبر دليل ، اللي هواني جفاني
دايم يجي قبل المفارق علامات=علمني ، اللي فالمحبه كواني
مدام نسياني خذا منه ، ساعات=نسيانه أصلاً ، مايكلّف ثواني

وسلامتكم

،

المصدر: الملتقى الجماهيري للشاعر محمد بن فطيس المري