...... صدفه وسط السوق ......

[ظافر العرجاني]

السلام عليكم ورحمة وبركاتة

هذا موقف صار لي قبل كم يوم وكتبت فيه ابيات
اتمنى ان تنال اعجابكم

صدفه تواجهنا انا وانت فالسوق
وأشرت لي بالرمش وتقول هاته

ماتدري ان القلب يازين مسروق
ضامي من الفرقا ونشفت لهاته

ماتدري اني من عنى الشوق محروق
و وصله دوا قلبي وبعده مماته

حفظت صورة زين الاوصاف فالموق
وسكرت عيني حافظه من غلاته

في كل يوم احن و اوّن واتوق
واداري العبرات خوف الشماته

في كل يوم يزيد في قلبي الشوق
شوق الفقير اللي يدور غناته

ياسعد عاذلنا عسى فاله العوق
يومه تحقق مطلبه مع رجاته

بقولها لش دامنا وسط ذا السوق
محدن مخاشر صاحبي في غلاته

وسلامتكم

 

 

 

 

 

 

 

 

[فراشة]

ههههه ظافر وانت رحت هبا منثورآ .. امزح

الله حيه .. وصح لسانك يالشيخ ..
في كل يوم احن و اوّن واتوق
واداري العبرات خوف الشماته

وصح لسانك مليوووووووووووون ولاهنت

[غصة حزن]

صح لسانك ظافر
قصيدة بغآية الجمآل
الله يعطيك العافيه

[خالد العبيريد]

وعليكم السلام ورحمة الله وبركاته ,,

اررررحب ياظافر حياك الله ,,

تدري ان قصيد المواقف دايم يكون جزل ورائع بالذات من شاعر مثلك متمكن,,

صح الله لساانك وصح قلبك وكلك ولاهنت قصيده تعبر عن نفسها وفي غنى عن كلامي ,,

تحياتي وكل تقديري لك وانتظر الجديد.

[بدر الشدادي]

صح السانك مليون يالعرجاني ابدعت يالجزل
اعذب الود

[ظافر العرجاني]

فراشه

غصة حزن

خالد العبيريد

بدر الشدادي

صح الله ابدانكم وبيض الله وجيهكم على هالاطراء اللي اسعدني
واعتبره شهاده
والله لاهينكم على كل حال يالغالين

[عامر صالح ال شنيف]

صح السانك يا ظافر يا كثر الموااقف ههههه
تعبير جميل ورااقي والله يرفع من مقداارك

[شوق الدوسري]

..الله عليك..بدعت..!
روووعه صح الله لسسانك..

[أهات الجروح]

مشاكل الحب من اول نضره الله يعينك ويصبرك ولك ودي واحترامي وصصصصصصصصصح لسانك الكلمات راقت لي يعطيك العافيه . ولك التقيم والمرور

[ولد نجد]

ابيات جزله صح لسانك وبيض الله وجهك
خالص مودتي وتقديري