هملعيه !!! صعبت التفسير

[سعد بن شلحاط]

بسم الله الرحمن الرحيم

هذه ألقصيده تحكي واقع عشته صعبه التفسير الا على اللهجة البدويه اتمنى ان تستفيدوا منها فهي من التراث اللذي افتقده الكثير من شبابنا ونتقبل استفساراتكم

لعبنو دار رماني بالبليه
لعنبو داره وحظ قد رمابه
نشبة فالحلق عود من شظيه
غير نصبر يوم حظه قد بلابه
اتصدد من عذاريب الرميه
كل يوم مقبل يسحب زهابه
في حياته ماعطى له من عطيه
عجه سودا تقفتها سحابه
هلت الودان من عقب برديه
يوم بعض الناس غله قد هرابه
اتقهوى من دلال شاذليه
وللرجال الكفو في صدري مهابه
ماشرب الشاهي وهو في زمزميه
وﻻعزفت العود ولاحب الربابه
حالتي حاله وأنا في العسكريه
عزتي للي قضاها في شبابه
راح الدنيا حياه عنثريه
قصه مفهومها سبت عذابه
لي ثلاث شهور ونا في قضيه
ﻻمواصل لامراسيل وكتابه
نضرته سهم ونا فيها ضحيه
والمشاكل لاصله تجمع قرابه
من خذاها يارفاقه ياهنيه
كل يوم مرخي فيها زهابه
مابقى لي غير ناقه هملعيه
سدت النفس وغدى فيها جرابه
يازمن ليتك تخبي لي خبيه
وليتها تاتي ولو كان بنهابه
الختام الله يخارج من سميه
لايجيني ينتفض يبغى إنتدابه

 

 

 

 

 

 

 

 

[أمير الشريف]

ارحب يابن شلحاط .. شاعر جزل والجزاله شفتها في كل بيت من القصيده ..
والله يعينك على كل حال .. صح منطوقك .. لا هنت

[مهشم الزربان]

بيض الله وجهك وجمل الله حالك ياسعد ابن شلحاط
كفو وقصيدك كفو وجزل يالشاعر الكبير واتمنى انك تستمر معنا في المنتدى

اما بالنسبه لهملعيتك فانشهد انك حثلتها وزبطتها يابو شلحاط
والله يعينك على مابتلاك
تحياتي اخوك مهشم الزربان

[سعد بن شلحاط]

البقا ياامير الشريف ولاجينا في المنتدى هذا الا من معزتنا لبو حمد ووجودكم في المنتدى يزيدنا شرف

[سعد بن شلحاط]

ووجهك ابيض اخوي مهشم الزربان ولبك زرب في علاوي الغارب تشرفنا رؤيتك ونحب كلام الكريبلات اللي مثلك والله لايهينك

[سعد بن شلحاط]

ووجهك ابيض اخوي مهشم الزربان ولبك زرب في علاوي الغارب تشرفنا رؤيتك ونحب كلام الكريبلات اللي مثلك والله لايهينك

[عبدالله سعود المتعب]

ارررحب ياابن شلحاط حيه وحي جززالته وافي

وصح لسااااااااااااااااااانك

[ام راكان]

صح ألسانك وبيض الله وجهك

[سعد بن شلحاط]

البقا ياخوي عبدالله

[سعد بن شلحاط]

صح بدنك أختي ام راكان