التحيه لال مره

اقتباس:
المشاركة الأصلية كتبت بواسطة خالد العبيريد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
مرحبابك ياناصر وحياك الله ,,


صح الله لساانك وصح قلبك وبيض الله وجهك على هالمشاعر الوافيه صوب اخوانك وخواتك والله لايهينك ,,

لك مني مجاراه تفاعل مع اسمي ورد على المعنى ودون قاصر في الجميع لكن تهيضت والهيض قالو هيض ,,

شاع ذكر اهل المشاعر والهوى يا ناس غربي=والفهد واقف مكانه والمعاني صيرميه
وانتهض قافي على خالد وشفت القاف سلبي=كيف با يوصف هل النخوات ورجال الحميه
ما معي غير ازهم الهاجوس واناديه طربي=صوب حماي التوالي والحصون الهاشميه
اقصد محمد وفي جنبه رقيت وشد صلبي=الشريف اللي مواقيفه معي دايم نديه
وان تفزع قافي لفزاع صار القاف حربي=بين طيات الكلام اطويه طيه عقب طيه
واذكر اخوات الرجال وما علي لا زان دربي=عاليه والماسه اللي نارهم للغير حيه
والجروح اللي مشاعرها معى التاريخ قربي=ما علينا من غلاها كان ضربتها قويه
وان ذكرت الفلوه انسى يا هل الناموس كربي=وان ذكرت سعيد زادت كيتي في كل هيه
الجفا منه حرمني زادي ولذات شربي=رقمه اللي في جهازي مقفل وصمته رزيه
وانت يا عامر عمرت الدار يوم اجتحت قلبي=وقفتك مثل السباع الضاريات الصيرميه
وان فتحنا باب للشرهات جف مداد حبي=يوم ابو مشاري جعلني بين خلق الله ضحيه
ومن نسيته لا يعاتبني ولا يمشي بسبي=والتحيه لال مره كله ختم القضيه

ناصر حسين ,,وصح الله لسانه وقلبه ,,

من تحاليل المعاني والوفاء واقلام كتبي=يازهور الود فوحي من قرى نجد العذيه
أنتخت شرد المعاني وأصرخت يانار شبي=وأحرقي كرة المفارق واقطعي حبل المطيه
انهجي منهج عريب ٍ منهجه ماهوب صربي=يعربي واليعربي مايقبل علوم ٍ دنيه
يوم هاض الفكر هبي ياهبوب النود هبي=وانعشي قلب الشقاوي عن مطاريق الشقيه
مرحبا يلي تقدم والحقايق ماتخبي=وجه من يبدابها والصح اخير من الخطيه
جبت ياناصر تقارير ٍ لها نهر ٍ يصبي=من منابيع الوفاء والطيب ونفوس ٍ رضيه
حيث قلبك فيه غيره عن مواقيف المكبي=كل مازادو تزيد العزم عن درب الرديه
فيك خير ومنك خير ولعب فنك مثل لعبي=في صباح الخير والا يامساء ذيك العشيه
تمدح اهل المدح يالوافي وعلمك لك ينبي=بالنوايا الغامضه مثل العسل مابه حليه
كن كما من كان لاكانت ظروفه تستتبي=ما يحث اقدام رجله للتعب فالمهمهيه
انت تدري والمعاني خافيه والنور قبي=كل مايسدل جناح الليل عاقه من مجيه
من وحل وادي محل مايذكر المعبود ربي=يوم علمك صار واضح بالحروف الابجديه
والبدايه والنهايه يازنود الشعر شبي=واحرقي خشم الفتيله وازهمي راع العبيه

خالد العبيريد ولكم تحيااتي وصح قلبي ههههههه ,,



ابقاك الله يا خالد وصح بدنك ووجهك ابيض وانت الوافي وتسلم على الرد الكايف
وردي سبق وان اوردته في رد سابق تحياتي لما واحترامي لما يخطه قلمك من جمال