رهج حـلم. . . ❤

[حلم~]

من علموني عنها واسمها نوف
واسمي تغير لجلها وصار نايف
قولوا لذيك المترفة عمرنا يطوف
وخايف تضيع أعمارنا بالحسايف
الوقت يجمع قلب مع قلب بظروف
قلب يحب وقلب من حب خايف
واللي عطاها وصف مايعرف حروف
ترى عطاها قلب فوق الوصايف
وان كانها من وقتها تشعر بخوف
خبيتها بين الضلوع النحايف
من دونها قلبي ونبضاته سيوف
وتبشر بواحد ما يهاب الرهايف
ومادام راسي حي وتشيله كتوف
والله لاأعلي قدرها للنوايف
قولوا لها لون السما صار مخطوف
والغيم عيا لايهل الذرايف
والعيد ما من عيد ولادقت دفوف
ولاعاد به اقراب ولامن ولايف
والضيق ما بين الشوارع له طيوف
والابتسامه ماتعرف الشفايف
قولوا لها تكسب جماله ومعروف
لاتلعب بعمري ترى الله شايف
اسمي وغيرته لاجل يركب لنوف
عبدالله أول اسمي هالحين نايف