احســـ الدليجـــان ـــاس

[عمار عادل الدليجان]

لا تسولف بعض السوالف ما منها فود // لا تقول أحبك وأنت ما تعرف الحب

أحيان أفكر فيك وفي عيونك السود // وأحيان مدري ما كنك ساكن القلب

 

 

 

 

 

 

 

 

توقيع : عمار عادل الدليجان

الكلب يوفي يا بعد كل البشر ليه ؟ وبعض الأصدقا عشرة عمر ويخونك يا بن الآوادم / خل عنك المشاريه كب السوالف وقلي أنت وشلونك ؟ لـ عمار عادل الدليجـان

[عمار عادل الدليجان]

يا سوريا أسف على ذلنا اليوم / ما عاد أبي منك ولو ربع حاجه

العام جيناك / على مزايد السوم / والآن انا وياك صعب نتواجه

[عمار عادل الدليجان]

يا قلب يكفي تعب أنهدم حيلي // للحزن قصه طويله مالها عنوان

لا تقول جيلك ما هو مثل جيلي // المسأله أكبر من تغاريد وألحان

[عمار عادل الدليجان]

سلامة عيونك ما عاد ادور جروحك // ما جاني منك يكفي وش باقي يصير

لا قلت شعري ما عجبني وضوحك // ما أقول حاجه غير تصبح على خير

[عمار عادل الدليجان]

لا تقبل الحاجه ولا تقول محتاج // الناس للناس حاجه قديمه

لا صرت تمرض ولا تدور لك علاج // وشلون تبقى اعضائك سليمه

[عمار عادل الدليجان]

لا تدور لك عذر ولا تشرح ظروفك // النفس طابت يكفي اللي حصل منك

العام لا بغيت أشوفك أقدر أشوفك // واليوم لا أشوفك ولا أسمع خبر عنك

[عمار عادل الدليجان]

لك ثلاث شهور لا حس ولا خبر // عسى ماشر ؟ عسى مانعك خير

بيني وبين الشعر عشرة عمر // من يقول غيابك ماله أي تأثير

العمر وياك يا محلى العمر // لأنك بعيني غير ومحبتك غير

هذي هي الدنيا وأخذ منها العبر // ما صار فيني ما توقعته يصير

[عمار عادل الدليجان]

الشعر ما قلته علشان أرضيك // الشعر أقوله لا طرت لي طواري

يعني بـ مفهوم ثاني أحاكيك // البيت بيتي // والشعر داري

[عمار عادل الدليجان]

أحيان ما أطيقه ولا أطيق طاريه// وأحيان لا شفت زوله حضنته

المسأله ما هي بـ لحية مشاريه // المسأله أكبر من قصيد (ن) كتبته

[عمار عادل الدليجان]

ما أدور الزله ولا ادور الضيق // انا كذا طبعي جنوني وعفوي

يابن عمي يا أخوي يانعم الصديق // لا صار خاين وش تبيني أسوي ؟