قصيدة الشاعر خلف بن هذال عن سيول جده 2011 - الملتقى الجماهيري للشاعر محمد بن فطيس المري

#1 01-31-2011, 03:00 PM

قصيدة الشاعر خلف بن هذال عن سيول جده 2011

القصيدة

شفت جدة يابو متعب وش بلاها
شفت البيوت اللي تساوت بالثرا
شفت العجوز اللي تغطت عباها
شفت العذارى كيف ناموا بالعرا
شفت جدة كيف تروي ضماها
شفت الضعيف كيف ليله سرا
شفت البنيه يوم يتكشف غطاها
شفت دمعة طفل من هول اللي يرى
شفت من يطلب الفزعة ولا يدن لقاها
شفت من يسحبه سيلن وسط جده جرا
شفت العروس اللي بكت ليلة رضاها
شفت اليتامى والارامل والفقارى بالقرى

شفت الصغيرة ذيك محدن معاها
شفت الطريح اللي تمدد على ظهره ورا
شفت الجثث راحت وربك خذاها شفت صرح العلم وش اللي به جرا
شفت جامعة الملك عبد العزيز امسا ضحاها
شفت سقف المعرفة طاح فوق اللي قرا

شفت الجسور اللي تدمر حصاها
شفت الشوارع حالها كيف اهترا
شفت الامانة خانها منهو خذاها
شفت كيف المواطن يباع ويشترى
شفت ليش احسن شعوب حنا وراها
شفت ليه الدول بالثريا وحنا بالثرا
شفت جدة يا بو متعب وش بلاها
ياخوفي ان ابو متعب بالحقيقة مادرا

وسلامتكم جميعا من كل شر

المصدر: الملتقى الجماهيري للشاعر محمد بن فطيس المري

الاوسمة · 01-31-2011, 04:45 PM

صح لسان الشاعر خلف العتيبي

وشكراعلى النقل لكن التنسيق القصيدة لم يكن جيد

الاوسمة · 01-31-2011, 06:50 PM


	أختي جروح بيض الله وجهك وصح السان الشاعر وهذا هو الشاعر اللي نبيه مشكوره الف شكر ,,,,

02-01-2011, 12:05 PM

اقتباس

المشاركة الأصلية كتبت بواسطة عبدالله السفياني


	صح لسان الشاعر خلف العتيبي وشكراعلى النقل لكن التنسيق القصيدة لم يكن جيد

هلاااااابك عبداللهـ اعتقد التنسيق تحصيل حاصل ماراح يغير في القصيدهـ شي

02-01-2011, 12:07 PM

اقتباس

المشاركة الأصلية كتبت بواسطة بن سيف

أختي جروح بيض الله وجهك

وصح السان الشاعر وهذا هو الشاعر اللي نبيه

مشكوره الف شكر ,,,,

هلااااا وغلااااا فيك بن سيف وجهك ابيض

العفووو اخوي

سعيدهـ بحضورك

والف شكر لك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)