الجادل اللي شوفها يذهب الباس

الجادل اللي شوفها يذهب الباس

سلام عليكم جميعاً

اليوم جايب لكم قصيده اسندتها على صديق لي وعزيز على قلبي

اتمنى ان تشفع غيابي عنكم الفتره الماضيه

جيتك وابشكي حالتي لك يابوالياس
.............. جيتك وابشكي لك جروحن قويه

قدلي ثلاث اسنين والوضع محتاس
.............. يا خوك انا ناصيك دون البريه

حيثك عزيز وصحبتك مالها قياس
.............. ما هيب صحبة من مشى بالدنيه

الله يجيرك من مقابيس الانجاس
.............. اللي رموا بيني وبينه قضيه

الجادل اللي شوفها يذهب الباس
.............. ما عاد لي في بعدها مقدريه

شفلي طريقه دلني شيب الراس
.............. وضعي تردى من قساها عليه

راحت حياتي بين هم وهوجاس
................. لعيونها الثنتين هذي وذيه

وان ما قسم ربي وزادن الاتعاس
.............. أنا اشهد إني ذقت منها الاذيه

راح التميمي وانطوت صفحة الياس
.............. ياالله عسى العشاق ما تروح زيه

..

بونواف التميمي

لمن عبر متصفحي

المصدر: الملتقى الجماهيري للشاعر محمد بن فطيس المري

صح لسانك وسلمت اناملك يابو نواف .. قصيده جزله من شاعر جزل .. ونصك هذا يشفع لغيابك .. ونحن كشعراء طمعانين في قصيدك ياليت توافينا بقصائد اخرى .. تحياتي لك

لاهنت يابونايف وصح الله لسانك قصيده جزله
وتقبل مروري

ابو نواف التميمي صح لسانك على هذا الشموخ

في هذا الحضور من طول الغيبات جاب الغنايم

واشهد انك ما قصرت بنثر هذه الدرر امامنا اخي العزيز

تقبل تحياتي وخالص تقديري

ابو نواف تأكد اني متابع لك من بعيد ..

صح لسسسسانك على هالعظيمه


بصراحه يعجز العقل عن التعبير امام هالنص


صح لسانك يالغالي ولا هنت


ودي واحترامي

ابو نواف لي مده ابحث عن قصيدك


الله يعطيك العافيه ماقصرت عدت والعود احمد

عسى مانحرم من قصائدك اللي ماتنمل


صح لسانك ولاهنت يالغالي


لك تحيه

صح لسانك يبو نوآف .. وعوده تجبر الخاطر


لاهنت .. واتمنى ما نفقد توآجدك ونبض حروُفك

اقتباس المشاركة الأصلية كتبت بواسطة أمير الشريف صح لسانك وسلمت اناملك يابو نواف .. قصيده جزله من شاعر جزل .. ونصك هذا يشفع لغيابك .. ونحن كشعراء طمعانين في قصيدك ياليت توافينا بقصائد اخرى .. تحياتي لك

صح بدنك يا الغالي

الله يعطيك الصحة والعافيه

وابشر بالجديد

لا هنت ولا هان راسك

صح لسانك يالتميمي شاعر جزل والله يعطيك العافيه وفي القريب العاجل في المنتدى نقرا جديدك وبكون واحد من متابعينك دامك تتحفنا بقصيدك,,,,,,,,,,,,,,,,,,,,,,,,

لاهنت على النقل المميز