}} ~ صـدق آلمشــآعـر ~ !!

[محمد الختلان]

ممآ رآق لي
قصيدة تحمل آلنصح وآلارشآد وآلحكم
للشآعر آلعلم بركآت آلشريف

[poem=font="simplified arabic,6,black,bold,normal" bkcolor="transparent" bkimage="" border="double,4,gray" type=0 line=0 align=center use=ex num="0,black""]
يامرقب بالصبح ظليت باديك=ما واحد قبلي خبرته تعلاك
وليت ياذا الدهر ما اكثر بلاويك=الله يزودنا السلامه من اتلاك
ياللي على العربان عمت شكاويك=وليت يادهر الخطا ول مقواك
يامالك اسمع جابتي يوم اوصيك=واعرف ترا يابوك بامرك وانهاك
وصية من والد طامع فيك=يسبق على الساقه لسانه لعلياك
وصية بالتقوى عسى الله يهديك=لها وتدركها بتوفيق مولاك
احفظ حلالك عن الناس مغنيك=اللي الى بأن الخلل فيك يرفاك
ادب ولدك ان كان تبغيه يشفيك=لو زعلت امه لا تخليه يالاك
وهرج النميمه والقفا لا يجي فيك=واياك عرض الغافل اياك اياك
واذا نويت احذر تعلم بطاريك=كم واحد تبغي له الرشد واغواك
واحذر شماتة صاحب لك مصافيك=ولاجرى لك جاري قلت لولاك
ولاتحسبن الله قطوع يخليك=ولا تفرح أن الله على الخلق بداك
بالك تماشى واحد لك يرديك=طالع بني جنسك وفكر بممشاك
المسك ياراسي من الذل واخطيك=واحذر تكلم يالساني حذراك
وياذيب وان جتك الغنم في مفاليك=فاكمن الى حيث الرعايا تعداك
ومن اول ياذيب تفرس بياديك=واليوم جا ذيب عن الفرس عداك
والنفس خالف رايها قبل ترميك=ترا لها الشيطان يرمي بالادراك
ومن بعد ذا لاتصاحب النذل يعديك=وعن صحبة الانذال حاشاك حاشاك
الحر مثلك يستحي يصحب الديك=وان صاحبه عاعا معاعة الادياك
والهقوة انك ماتجي دون اهاليك=ولاذكر عود الورد يثمر بتنباك
ولاتستمع قول الطرف يوم يلغيك=بالكذب يقضي حاجته كل ما جاك
من نم لك ينم بك دون تشكيك=ولاه قد ازرا رفيقك وازراك
عند ك حكي فينا وعندي حكي فيك=واصبحت كارهنا وحنا كرهناك
ماخطاك ماصابك ولو كان راميك=واللي يصيبك لو تتقيت ما اخطاك[/poem]