قصيده المرجله ويووووووووووووووووووزع

[احساس شاعر&]

المرجله


إذا المراجل لبسة شماغ وعقال

.................................دام الفعايل تشبه البعض دايم

المرجله ما هيب كلمه وتنقال

................................وتروح ما راحت هبوب النسايم

وإلا خشونة صوت أو رفع الأثقال

.................................أو رزة صدور وفعل الزلايم

ولا هي بعد مفتاح موتر وجوال

................................وإلا ردى لسانن حديثه شتايم

المرجله شيمه عن القيل والقال

.............................رفيع نفس (ن ) حر بالجو حايم

المرجله عقلٍ وزن وزنه جبال

.............................ودون العقل وش فرقنا والبهايم

يا مسندي لو مايل الوقت بي مال

.............................يا ولد أبويه يا عظيم العزايم

يا معرب الجدين من العم والخال

............................يا نخوة المفزوع وقت الهزايم

المرجله يا خوي هي طولة البال

...........................هي العزم هي الصبر فالظلايم

فيها الكرم عزه دله وفنجال

...........................مشى طريق الحق وابليس نايم

ومن لا عرف ربه في طيب الحال

............................لابد وقت الضيق بالهم هايم

حتى صلاتك مع جماعات ورجال

...........................في خيرها يا خوي نعم الغنايم

ولامن نصف ليلك قم صفي البال

...........................يا عظم أجرك بين ساجد وقايم

ولا من رفع ربي له كل الأعمال

...........................حسن الذكر لا قالو فلان صايم

وخلك شريف القصد يا طيب الفال

...........................سوء المقاصد فالبيوت الهدايم

واحذر تبيع النفس في دب الأنذال

.........................وتتبع خوي إبليس راع النمايم

النفس خيل لك إذا كنت خيّال

.........................ومن لا قوى نفسه قوته الهزايم

ولا صرت ما تدري لو يش أنت رجال

.........................والله خسارة فيك ذبح التمايم

 

 

 

 

 

 

 

 

توقيع : احساس شاعر&

[poem=font="Traditional Arabic,7,white,bold,italic" bkcolor="black" bkimage="backgrounds/21.gif" border="none,4,gray" type=2 line=0 align=center use=ex num="0,black""] كــذاب من قال راحــو الطيبين ---- هذا انــااا موجود [/poem] ممنوع وضع ارقام الاتصال والتواصل في هذه المنطقه تم تحريره من قبل الاداره

[خالد العبيريد]

حتى صلاتك مع جماعات ورجال

...........................في خيرها يا خوي نعم الغنايم

احساس شاعر حياك الله ,,

صح الله لسانك وصح قلبك وكلك ولاهنت على الاهبيات الوافيه وكفوو كفوو ,,

شكري وتقديري لك .

[فالح بن مسلط ال ضحيان]

ولا صرت ما تدري لو يش أنت رجال

.........................والله خسارة فيك ذبح التمايم

[الماسـه]

صح لسآانك احسآاس
قصيده رآئعه
‏ الله يحفظك يآارب

[ابـونايف الروقي]

صح السانك لاهنت

[المطنوووخهـ]

صح لسانك لييييييييييييييييييييييييييين ترضى على القصيده الجزله

[احساس شاعر&]

صح الله بدنكم جميعاأأ