الحُبّ .. / المِطَرْ

[تـَـــَرفَ]

ما به طريق ولا رفيق ، ولا ركوب ولا سفر
ودي اغادر وانصدم .. إني فقدت الأربعه !
ما باقيٍ غيري / على كثر الفيافي والبشر
تومي بي كفوف الشمل : في كف يمنى المقطعه
وأشيّل كتوفي الحمل .. وأعلّم جفوني السهر
وأملى خفوقي بالبكا .. لين الحنايا تدمعه
وامدّ شوفي واكسره !! وامد قلبي وأنكسر !
وأرجع على اللي لا نبض قلبي ، فقلبي اسمعه
اللي محى من خافقي / كل الاسامي والصور
كنه لمن قبله يقول : الله معه الله معه
كنه وقلبي فالهوى ، قبطان مركب في بحر
تنوخذه واستحوذه وابحر .. وفلّ الاشرعه
ويمّم على [ وجهة غياب ] ولا ترك خلفه عذر
حتى لو اعذاره " م " هي في كل مره مقنعه
دايم وهو / وافي جفا .. ولا الوصل فيما ندر
مع إن ما عنده سبب ؛ في وصل قلبي يمنعه
يا قسوته وأنا على [ قاع الرجاوي منهمر ]
أمني النفس ( بعسى .. دربٍ خذاه يرجّعه )
وأقول لأشيائه معي .. ما للغياب إلا الصبر
وإن خالفتني ، قلت : ما في قطع مثله منفعه
اللي قبل لا أعشقه .. وأنا على بيته أمر
وبالنبض اطلّع مدة الوقت / اللي لأجله بأقطعه
ومن بعد عشقه ما بقى .. شيٍ معي ما ينتظر
صوتٍ ينسينا دفاه ، الكون هذا .. بأجمعه
وشلون مع هذا الغلا والشوق والحب / المطر
أنساه ، وأجبر خافقي يجذب غلاه وينزعه
بأبقى أحبه وأعشقه .. لآخر دقيقه فالعمر
وفداه قلبي لو لقى من جور صده مصرعه !




لـ الشّاعر / محمّد السبيعي

 

 

 

 

 

 

 

 

[الماسـه]

مرحبآا . قلبي
ماشاء الله
ذوق راقي
تسلمي تروفه
الله يحفظك يآارب

[ذوووق ومنآآآوي]

ياذويقه انتي..
صح لسانه ولاهنتي عالنقل الطيب..

[نديب]

كنه لمن قبله يقول : الله معه الله معه


صح الله لسان الشاعر

وتسلم أناملك وإحساسك ع الذووق

تحيتي

[تـَـــَرفَ]

الممآسه مرورش
الذوق ي بعدي
لاهنتي ...

[تـَـــَرفَ]

ذوق انتي الذوق
صح بدنش ي بععدي
ششآكرهـ مرورش
....

[تـَـــَرفَ]

نديب صصح بدنك
ع المرور
= يسسلمك ربي ..{{

[حطموكـ ياقلبي]

يسسلمو . ع . الطرح الرائع ..

ويعـطيكـ، ألــف عـآفيــه ..

والله لا يحرمنـأ هالابداع ..

تقبل زيارتي ,,,

[هايدي الحلوه]

رووووعه يالغلاا

جازت لــــي وبقووهـ حبيبتي

[مشاعر مجروحه]

يسسسلم ذوق راقي ورائع
حبيبت قلبي انتي