يا حمام الورق هيضتي شجوني .. أسألك بالله كفي يا حمــــامه

[فهد ثامر البقمي]

السلام عليكم ورحمة الله وبركاته

أبيات متوضعه عسى ان ترتقي الى أذواقكم الجميله

يا حمام الورق هيضتي شجوني
أســـألك بالله كفي يا حـــمامـــه

إرحمي دمعات سالت من عيوني
لا تزيدين المـــولع في غرامــــه

قمت أجاوبها وهاضٍ أللحوني
وأبتدى هاجوس شعري في كلامه

ذكرتني راعي القلب الحنوني
الله أكبر يازمانن فـــات عامه

الهوى غلاب من دونه ودوني
والنوايا صافيه حب وكــرامه

إجتمعنا والفرح من كل لوني
وإفترقنا والحزن شَيد خيامه

جادلن عندي غلاها ما يهوني
واسمن حبه على قلبي علامه

البطى منها وأنا يبست غصوني
لا إهتنا قلبي ولا جاني سلامه


فهد ثامر المرزوقي

 

 

 

 

 

 

 

 

توقيع : فهد ثامر البقمي

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[عامر صالح ال شنيف]

وعليكم السلام ورحمة الله وبركاته
حياك الله يافهد ومرحبا فيك
صح الله لسانك وعتلا شانك جزل ومخبور بالجزاله شاعرنا فهد
والقصيدة وافيه ي الوافي
مخلص تقيمي بس يرجع وابشر بالتقيم
وفالك طيب ي القرم

[الماسـه]

مآشآء الله / صح لسآانك فهد
مبدع كعآادتك الله يحفظك يآارب
. ‏ ‏ . .

[مشاعر مجروحه]

صصح الله لسانك يافهد قصيده رايقه
ورائعه تسلم يدينك وعساك للجنه
مافيك حيله جزل وكفو

[رمق]

ياسلام .. صح لسآنك

ع هالجزلـه ..

خلص التقييم عندي .. ولآ انت تسآهله ع هالدره

[موسى ابومشهور]

شاعرنا فهد صح روعتك وصح ابداعك
وص لسانك والله يقويك

[المطنوووخهـ]

ذكرتني راعي القلب الحنوني
الله أكبر يازمانن فـــات عامه

الهوى غلاب من دونه ودوني
والنوايا صافيه حب وكــرامه

إجتمعنا والفرح من كل لوني
وإفترقنا والحزن شَيد خيامه

لاهنت وصح لسانك على الجزله

[حلم~]

ررَآئععِ مَ ـآششَـآء الله ه ه هابدعتَ
موفققَ

[بنت الروقه]

حضور وارف ونص جزل لأستاذ شعر
صح لسانك ونبضك مدد ودام لنا عطاءك
لاهنت وبيض الله وجهك ي الامير .. وأدام الله إشراقة قوافيك
دمت بخير .

[فهد الهباش]

البطى منها وأنا يبست غصوني
لا إهتنا قلبي ولا جاني سلامه



الله عليك يالسمي

شاعر مميز وبصمته واضحة
تحية وتقدير لقلبك!