$$$ ومـــــيض الــــقـــــوآفــي $$$

اول المشاركات في هذه الزاويه



يامنظر الورد في بستانه الرااقي
ــــــــــــــــــــ يا اطيب من العود صافي لون ومعتّق

يا اغلا من الماسه الي وسط الاسواقي
ــــــــــــــــــــ ان جات في كف والا جات بمعنّق

واريح من النسمه اللي وقت الاشراقي
ــــــــــــــــــــ اللي تحرك جداد الشوق والعتّق

يا اجمل من الغيم ديم وفيه براقي
ــــــــــــــــــــ يابيت شعر ٍ من ابن فطيس لا روّق

طهارة الغيث والا بيض الاوراقي
ــــــــــــــــــــ وحلاوة السكر المسكوب ومرقّق

سكنت يا منوة الخفاق خفاقي
ـــــــــــــــــــ لك منزل بالضماير ماهو ملفّق

البعد جور ٍ على العشاق حرااقي
ـــــــــــــــــــــ لاجيت رويتك المعلوق متفتّق

لا قلت احبك تراها لك من اعماقي
ـــــــــــــــــــــ ومن حب مثلك من العربان متوفّق





محمد المري