ۅشَ ٺبيُ ﺄكثرّ ﻣ̲ن كذآ !ډاامَ ﺈﻟيَ يحبگگ ﮬو ..↓ [ A n ɑ ♥ ..

[نديب]

×




كان اسود من شعر ليلك غيابك
كنت اشعر بالسواد ولا انادي
بس غبتي
وآنا متكبل بشوقي
ما عرفت الا احبك
ودي اعرف ما احبك
صدقيني ماعرفت
كنت اغني لجل احس انك معايه
كنت احسك وسط صوتي
كل ما أصمت تغيبي
ثم اغني
لجل ماعنّي تغيبي
بس غبتي
بعدها لميت صوتي
من جداري
من مرايا
كان وجهك آخر اللي مر فيها
شوفي وشلون أنتظرتك
كنت أقدّم كل ساعة
لجل احس انك قربتي من مجيك
لجل احس ان انتظارك شي عادي
شي مايذبح عيوني يوم احدق فالعقارب
تكتكتها حيل تذبح
مثل من يغرق فقارب
يعني يغرق في نجاته
واسمع الأمواج تجرح
بالكلام وما أبالي
إيييييه جاته !! إيييييه جاته !!
هم دروا ماجات لكن
ودّهم يبرون علة من مجاديف اجرحتهم
يوم كان الوعد أني أطعن الموج بيديني
لجل اسابق رحلت الميعاد فيني
بس غبتي
بس غبتي
قبل ألمس نافر الغيم بيديني
والبقا في راس حلمي
دام ماجيتي ولا انتي
في دجى الغيمات نمتي
ليه غبتي ؟