ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

صوت سمعته تل قلبي مـن أقصـاه
لولا ضلوعي راح قلبي مع الصـوت

لو سمعها اللـي ميـت قلبـه أحيـاه
بشقي العليل اللي على حفرة المـوت

عـز الله إنـي دالـه البـال لـولاه
اسهر مثل ولد العواجي علـى نـوت

الله يغـض الحـب هـذي سـوايـاه
والله يلـوم اللـي يلومـون بخـوت

ماكـل قلـب يــدرك الله تمـنـاه
الحبـل مـا هـو للمحبيـن مفلـوت

أنـا ليـا شاهـدت غـرة محـيـاه
والله ما أغبط اللي مصيفه في بيروت

لـو نجتمـع ليـل ونهـار بمضمـاه
في ظل غار أحسن من اوتيل مريوت

والا على حذوة بحر مـا لحـن مـاه
من البحر نشرب ونأكل من الحـوت

وإلا يقطعن من الخلا ما حـدن جـاه
غير الجوازي ما بها أزوال وبيـوت

هـذا هـو القلـب وغرامـه بدنيـاه
بخدودها وعيونهـا سحـر هـاروت

مـا تلتفـت للـي قروشـه بمخبـاه
اللي يحسبون الهوى عقـل وبشـوت

فيهـا الجمـال اللـي قليـل حلايـاه
كنـه عليهـا نــازل بالبـراشـوت

لو تطلب حزام الذهـب مـا لقينـاه
أقصر من الشبرين وأطول من الفوت

والله مـا تصلـح حيـاتـي بلـيـاه
لو لحدوني جعلهـم فـي براهـوت

نويت أخاطـر وأنهبـه مـن نوايـاه
وازبن على زبن الدخيل بن شلهـوت

وإن مـت باسبابـه يجازيـه مـولاه
بس أفزعوا لي عنـد بيتـه بتابـوت