اكمل / ي شطر البيت

لاضاق صدرك والفجوج الوسيعـه=سج القدم مع صحصح البيد سجـه
وان كان ضاقت بك جروح ٍ شنيعه=خـلـك صـبـور ويـــم ربـــك تـوجــه
لـو زانـت الدنيـاء تـراهـا وضيـعـه=صكاتـهـا عـقــل الفهـيـمـي تـرجــه
دوراتـهـا صلـفـه بحكـمـه سريـعـه=والادمــي لامــن نــوت بــه تحـجـه
كـم مـن فهيمـن ضيـع الله صنيـعـه=يـومــن عـقـلــه لـلـرديــات وجــــه
أحـذر تــرا قلـبـك وعقـلـك وديـعـه=بالعقـل قــد القـلـب واحــذر تخـجـه
عـن مايعيـب النفـس فعـل الوقيعـه=ارفع شموخك عن دروب المحجـه
ابـذل جهـود النفـس حسب الشريعه =ثمرات عمر اللي قطفها تنجه
والقلب حطه في الحصون المنيعه = ترى على الشهوات دربه وفجه
امن المعاصي لا يذوق الوجيعه = كم واحدن منها ضميره يلجه
واحذر قريبك لا يذوق القطيعه=عيب ٍ عليك يصير للباب ضجه
والجار حذرا لايشوف الهزيعه=وان طاح في نكبات الايام نجه
وصابه المختار بعلم ٍ يذيعه=دين الله الواضح ولاحد ٍ يحجه
والوقت يكفي عن مقيضه ربيعه!!