ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

السالفه سالفتها بنت شيخ القروم ،
اللي تسوق الهوى في شفها ; وبالها
..
بنت الغنج والدلع وام الخفوق الرحوم
يابري حالي .. وياويلي على حالها
..
مطنوخة ً.. هوبلت للذود فوق الحزوم
وشاشت مغاتيرها من صوت هوبالها
..
[ لاجيتها] منغبن من فعل ناس ًرخوم
تضمني بـ صدرها ; ويضفني جلالها
..
حليّ بها عاشقه .. والعشق فينا يدوم
وحليّ بها مهرة ً.، ( والقلب خيالها )

..

حلّفتها بربها ! عن حب [ غيري ] تشوم
وانا / وقلبي / وروحي .. ملكها لحالها
..
لو تستثير المشاعر لاجل ذيك العلوم !
تصبّر النفس .. قيفاني / وموالها
..
تصحى بعيني بعد مابوسط قلبي تنوم
وتطيح فيني غلا / واقوم واشتالها
..
تزعل عليّ من دلعها وتستحي قبل آقوم
( أبوسها ) بين شامتها / وسلسالها

..

من غيرتي كنّ قلبي حر ًأشقر يحوم
من فوقها .. قبل يخطبها [ ولد خالها ]
..
أدرى عليها من عيون الحسود الظلوم
واقوم أغطي ّ سواد عيونها بشالها
..
تلعب بدنيا الهوى / ماتعترف بالسلوم
رغم إن اهلها .. فعايلها على أقوالها
..
بنت الذي لاانتهض يقضي صعيب اللزوم
وجدّانها .. عرف التاريخ بـ ( أفعالها )
..
مير الوكاد ، المؤكد .. بعد كلّ العلوم
( ياجعلني فدوة ً.. لعيونها / وحالها )