عليه كبد المولع دوم مشغوفه...( مجاراة لابياتي من أخي الأكبر عبدالرحمن)

[سعيد الهباش]

اخي الكبير عبدالرحمن الله يحفظه ويطول عمره قرأ قصيدة ارسلتها له رساله جوال ورد علي بهذه الابيات الرائعه

القصيدة الاولى
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[poem=font="Simplified Arabic,5,black,normal,normal" bkcolor="transparent" bkimage="backgrounds/1.gif" border="groove,4,gray" type=1 line=0 align=center use=ex num="0,black""]

قاف لفاني وهيضني بغطروفه = وانا كسبت الشعرمن دونه اوراثه
لو ان شعوري بعض الاحيان ملقوفه = تحط في عاشق الخفرات مدعاثه
يوم الهوى هب شرق وصابني لوفه = اصبح يخطط خفوقي خط حراثه
ماحنني من طعن شلفاه وسيوفه = غطى عليها بحسن الطبع ودماثه
عليه كبد المولع دوم مشغوفه = والشوق في وسط قلبي ينقل اثاثه
اثر الوصل يجعل العشاق مالوفه = ولاالهجر بان في العالم تعباثه

[/poem]

 

 

 

 

 

 

 

 

توقيع : سعيد الهباش

[marq="4;left;1;alternate"]حَـملَـة الدِفاع عَن أُمِّ المُؤمِنِين عائِشَة رَضِي اللَّه عَنهَا[/marq] [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[ضامي الشوق]

صح لسانك ولسانه

يعطيكم العافيه

[مجنونتكـ]

صح ألسااانكـ

لا‘هنت...

[بنت برقا]

صح السانك اخوي

واعتلى شانك

حضور رائع

لاعدمنا جديدك المميز

نحن في انتظار جديدك

ولك تقييمي

[سعيد محمد القحطاني]

سعيد الهباش صح لسانك ولسان اخوك الله يحفظه لكم
ولايفرقكم. اخوي كل قصائدك
جزله ولها طابع خاص الله يوفقك تحياتي وتقديري

[مجازفف]

الله صح الله لسانكـ ولسانه ...

سلمت يمينكــــ

[ترانيم المطر]

صدى رائع لصوت أروع
تقبل تحياتي وتقديري
ترانيم

[فهد الهباش]

لبى قلبوبكم الظاهر الدور علي
والله مبدعين ما يحتاج اساتذتي

شهادتي في اخواني مجروحه

اعجبني بيت عبدالرحمن

علـيـه كـبــد الـمـولـع دوم مشـغـوفـه
والشوق فـي وسـط قلبـي ينقـل اثاثـه
اثـر الوصـل يجعـل العـشـاق مالـوفـه
ولاالهـجـر بــان فــي العـالـم تعـبـاثـه


بيض الله وجهك على نقل قصيدته الرائعة

وعلى فكرة للاخوان اللي ردو هذه الابيات مجاراة لابيات سعيد الاولى على الرابط
واعتذر منك سعيد بنقلها لقسم صوت وصدى

والف الف تحية لقلوبكم
عسى ربي ما يحرمني منكم

[تركي صنهات]

ياللي عليك الحشا والروح ملهوفـه

يَتَّمت قلبي وصار الحـزن ميراثـه

كثرت رجاويه فيك وقلّت حسوفـه

منكوب ماتنقـذه حمـلات الاغاثـه

ماينقذه غير وصلك يابعـد شوفـه

تنعش عروق بذكرى الوصل نفّاثـه

مواصلك ينعشـه ويلبـي شفوفـه

ومفارقك يخلفـه ويغيـر احداثـه

يميزه من يشيل السيـف بكفوفـه

والهندي اللى على فجلـه وكراثـه

ليتك ترفّق على المحزون وتروفـه

وتجابره في عزاه وترفـع انكاثـه

ماله جدى الا يصوغ القاف وحروفه

يطري له اللي مضى ويجدد ابحاثه

لاشك يصبر لو ان ايديـه مكتوفـه

ماينحني للمصاعب طبـع ووراثـه

الله يعينه على هـمّ بـرى جوفـه

يَتَّمت قلبه وصار الحـزن ميراثـه

.................................................. ....................

قاف لفانـي وهيضنـي بغطروفـهوانا كسبت الشعرمن دونه اوراثـه

لو ان شعوري بعض الاحيان ملقوفهتحط في عاشق الخفـرات مدعاثـه

يوم الهوى هب شرق وصابني لوفهاصبح يخطط خفوقـي خـط حراثـه

ماحنني من طعن شلفـاه وسيوفـهغطى عليها بحسن الطبـع ودماثـه

عليه كبـد المولـع دوم مشغوفـهوالشوق في وسط قلبي ينقل اثاثـه

اثر الوصل يجعل العشـاق مالوفـهولاالهجر بان فـي العالـم تعباثـه

..........

سعيد

صح لسانك لين ترضى

وصح لسان اخوك عبدالرحمن

وأوصل له دعوتنا لاأنضمامه معنا في هذا الصرح

وانت واخوك مكسب لمن يعرفكم

تقبل مرور واحد من الشعب

[محمد الوريكي]

يامشاء الله عليكم يالهباشين كلكم مبدعين ونعم الاخوان والله
الله يخليكم لعيون ترجيكم يارب ولا يفرقكم ويردلكم الكنق بالسلامه
مجاره اروع وتحمل معنى الاخوه الصادقه ونعم بسعيد وعبد الرحمن
والكنق فهد تسلمون جميعكم ويارب لايغير عليكم ويجمعكم على العز