ღ .. تبغى تعرف اللي ذبح قلب ( سعودّ ) .. تعال واقرا ما يخطه عشانك .. ღ

[ضامي الشوق]

يا نور عيني ما نسيتك على البال
وشلون ابنسى من له الروح تشتاق



لك بالحشى يا غاية مناي منزال
محبتن مسكانها وسط ألاعماق



يا بو جديل(ن) فوق ألارداف ميال
ويابو خدوداً كأنــها لمــــع براق



سلهام عينك يبني بروحي آمال
والعمر لك يا ساكن القلب منساق



زين الوصايف فيك يا سمح ألاقبال
الله عطاك الحسن مع طيب الأخلاق


افرح بقربك يا الغلا لحظة أوصال
وبعدك ما طيقه يا أريش العين حراق



أهيم بك وأغليك والحب قتال
قد قالها قبلي حبايب وعشاق



محبتك مسمع بها حكي عذال
يا بهجة الخاطر ويا كل الأشواق



يا كثر ما مرو عليه من اشكال
غيرك لعيني بين الاحباب ما لاق



ولو بيني وبينك مسافات واميال
لا مرني طيفك خذاني للأشراق